Oshitopolwa shaShana osho enyakwa muudhano woongonyo

0
202

KuShipi Elago

OSHAKATI – Oshitopolwa shaShana osha sindana po uudhano woongonyo waaBokisi yopevi moshilongo  mboka wali wa unganekwa kUuministeli wAanyasha nIipambele yomaudhano ehuliloshiwike lyaziko pokapale kEmanguluko mOshakati.

Oshana oshali sha mono omasindano ogendji moondjundo dha yooloka naashika oshe ya pe ompito ombwaanawa opo ya thigepo iitopolwa iikwawo mbyoka yali ya kuthombinga.

Oshitopolwa shErongo osheya pehala etiyali omanga oshitopolwa shaHangwena sheya pehala etitatu.

Mondjundo yaanyasha mboka yeli pomimvo dhopevi Sheefeni Julius okwali asindanapo epapa lyomubokisi dhingi .

Kasolo Mathew okwali a thigi oyendji taya tsu omazima sho a li a ulike oshitalenti she muudhano mbuka nokutoolapo epapa lyomudhani dhingi mondjundo yaakuluntu.

Konyala aabokisi oyendji oya li yapewa oombandi moondjundo dhayooloka nokuya pandula sho  ya ulike omukumo mokukutha ombinga muudhano mbuka.

Kenneth Mwatara gumwe gwomaawiliki yomaudhano okwati otonamende ndjika oyo ayike mongashiingeyi yili onzo hayi yambulapo uudhano wombokisa moshilongo.

Ashike nonando ongawo ndhika Kenneth okwedhi popi neyeme sho ta ti aanambelewa yopombanda mewiliko lyuudhano wobokisa  oya li ya ndopa okukala puudhano mbuka.

Okwati olutu luudhano wobokisa inalu tumako nando omukalelipo gumwe kuudhano mbuka, Aadheuli yOsipana yopashigwana kapuna nando ogumwe a li puudhano mbuka.

Okwa gandja wo enyenyeto lye sho iitopolwa yimwe moshilongo inayi yako kuudhano mbuka ta gandja oshiholelwa shoshitopolwa sha Khomas shoka inaa shi kuthombinga pamwe niitopolwa iikwawo.

Omunambelwa gopombanda gomaudhano Mapele Hendrik ngoka wo eli omukwateli komeho gomapendulepo gUudhano woBokisa okwa ti”A abokisi nayatsikile komeho nomayidheulo, yaakale ashike haya idheula uuna puna ootonamende dholudhi ngaanduka opo ya humithe komeho ontseyo yawo .

Okwa tseyitha wo kutya otonamende ndjika omuvo tuuka otayi kaningilwa koshitopolwa shaZambezi.

Boxing tournament 1: Josef Benhard pamwe naadheuli yiitopolwa Erongo nOhangwena konima sho yali ya pewa omakopi .

Boxing tournament 2: Ongundu yaabokisi naanambelewa mboka yali yapewa oombandi mpeyaka pOshakati ehuliloshiwike lyaziko.

LEAVE A REPLY

Please enter your comment!
Please enter your name here