A sa sho a ha twapo nokugwilwa kongombe

1
334

KuLoide Jason

ONGWEDIVA-Aakalimo yomomukunda Uukuvu mOnemanya mOngandjera oya haluthwa koshiningwanima shoka itashi thigi nande omukalimo omutumba sho omukulupe a gwilwa kongombe eta hulitha.

Omukulupe lela nomutekulu gwe omukadhona gwoomvula ne oyali ya ponokelwa shinyanyalitha sho oongombe ndhoka dhali tadhilu dheya gwile noku ya ehameka noonkondo.

Oshiponga shika osheetithihenda noshinyanyalitha aniwa osha holoka mOlyomakaya omutenya omanga Taimi Kakwaya nomutekulu gwe yali yedhileka komesho ye dhuukitha kedhiya dhikwanwe.

“ Oongombe nee ndhika mbali okwali tadhi lu, yimwe oya sindi onkwawo sho ye yi yelula eta yi kagwila komukulupe nokumweehamekela eso,” a hokolola noluhodhi  Lydia Iilonga omwanakadhona gwa nakusa gwosheeli.

Sheeli ngoka woo naye a haluthwa koshiponga shika shombaadhilila okwa hokola kutya ye kena lela iitya nomatumbulo kwaashoka shaningwapo oshoka ongombe oya mbatekelepo  ashike yina , ngoka a zapo ena omwenyo kashona nokuhulithila mondjila ye yokuya koshipangelo shepangelo shaShakati.

Kakwaya okwali a falwa koshipangelo shepangelo shaKahao moka ina kwatwa mo eta falwa kuAmbulance kOshakati nokuhulithila mondjila omanga inathika koshipangelo oshinene nosha pyokoka monooli.

Omudhimba gwe ogwali gwa galulilwa mokila mOkahao, omanga omutekulu gwe a pangwa noku tuminwa kegumbo.

Eso lya Kakwaya lyombaadhilila olya thigi oyana mboka yaadha lwopuyahetatu moluhepo oshoka aniwa oye ashike omvali a li teya sile oshimpwiyu oshoka omuholike (he yaanona) okwa tetekela nale.

Aniwa ongombe nee ndjoka oye muhatapo ashike ihe inayi mutsa nande osha, ashike  omapyopyo otaga ti aniwa ye mwene mbela okwa loloka ashike kondjundo yongombe.

Omutekulugwe inamona lela oshiponga oshinene , ashike okwa monithwa oshiponga kokugulu kumwe.

1 COMMENT

LEAVE A REPLY

Please enter your comment!
Please enter your name here