A thigwa pomutenya koosuwala y

0
300

KuMaria Namupala

ONYATI – Omukulupe goomvula omilongo heyali okwali  a tseyithile Kundana kutya okuna uudhigu shono sha holoka konima sho omuholike gwe a mana oondjenda omumvo gwayi.

Kuku Bonofila Wilhelma a tseyika nawa nedhina Gwanuunyala okuli omukalimo gwomomukunda Onyati, okwa hololele oshifo shika kutya okwa li a thigwa pomutenya koosuwala she sho omuholike gwe a mana oondjenda omvula ya ziko .

Gwanuunyala okwa holola kutya oya kala megumbo nomusamane gwe ngono ali emu hokana okuza momvula yo 1992 konima sho oshilongo sha manguluka.  “ Ondali ndeya opo ndi ninge omuyalekwa gwa Tomas ya Elia ngono a li omuposi na kapwali puna ngoka te mu yakula miilonga ayihe, otwa kala tuna ombili oshoka megumbo otwa kala tulimo otse atuke,” Gwanuunyala tati ngaaka.

Okwa holola woo kutya omusamane gwe okwa mana oondjenda dhe omvula yaziko konima yuuwehaame, ta ti okwali a kala megumbo lye moka a thigwa komusamane gwe. “ limwe lyomomasiku ondali ndaya koshipangelo mono mokugaluka nda tsakanekwa komushiinda gwandje gumwe ta lombwelendje kutya aakwawo yomusamane oyali yeya megumbo lyetu noku kuthamo iinima mbyoka yalimo oshowo ya dhengululapo oshipeleki moka twali hatu pungula iinima yetu oshowo yimwe yali ya egekwa piiti,” ta gwedhapo ngaaka.

Gwanuunyala okwa ti oshinima shika oshali shemu halutha noonkondo oshoka ina tseya etompelo kutya oshike aakwawo yomusamene ye na okumuthiga pomutenya. Okwa li anuwa a pula aakwanezimo mbaka kutya omolwashike yena okumuthiga pomutenya konima sho omuholike gwe a mana anuwa gumwe gwomaakwanezimo okwa li emu yamukula ta ti anuwa oya thigululapo iinima oshoka anuwa Gwanuunyala kena okaanona na nakusa, ye gumwe okwa ti anuwa oya lombwelwa ku mwene gwomukunda ngoka Onyati opo ya kuthemo iinima ayihe megumbo.

Pamapulapulo mwene gwomukunda okwati omahokololo gatya ngaaka okuga uvite noye ga tula miilonga ngashingeyi.  Omuselekadhi nguka okwa li woo a holola euvonayi lye kutya epya lye olyali lya tetwa pokati ashike keshi kutya shino osha ningilwa shike, tati okwa hala ku uva kutya omolwashike ena ku hepekwa ngeyika.

Anuwa mbono ya thigulula nokumu thiga pomutenya oye shiwike noyali ya lombwelwa ku mwene gwoshipundi opo ya kale ya galula iinima mbyoka ya kutha megumbo ashike sigo onena ina ye yi galula, Gwanuunyala tati ngele yeyi galula oteyi taamba .

Yamwe yomaasamaria aanamutimahenda oya tameka nale ta ye mu opalekele egumbo lye nokulidhika oshoka okunamo owala ondunda yimwe mono omo ha lala mo omo ha pungula iinima tati oshi li shemu dhigupalela ngashingeyi oshoka kena aashiinda oshoka mboka yelipo ayehe aakwawo yomusamane mbono ya hala yemu kuthemo meyana moka.

Mwene gwomukunda Onyati okwati otaya kaninga oshigongi mbala naantu mbaka yo ya ye moonkundathana, opo ya kandulepo omukundu nguka mbalangaashi tashi vulika.

LEAVE A REPLY

Please enter your comment!
Please enter your name here