Aahikingalo onkene taya tsikile oku ulika uunongo wawo

0
182

KuPinehas Nakaziko

WINDHOEK-Aahikingalo yomoshilongo natango onkene taya tsikile okuulika uunongo wawo ngele tashiya piinyangadhalwa yomainyanyudho moNamibia.

Ongulohi yEtitano lyayi oya li yakwata miiti no ya udha omawi goondigolo gaanasikola naatali yayooloka okuziilila poshiputudhilo shopombanda shaNamibia (Unam) shoka shali  sha dhana oshituthi shopamuthigululwakalo shokomumvo, pamwe naahikingalo dhingi aaNamibia.

Oshituthi shika osha tamekele Etitatu lyoshiwike shaziko moka mwali muna iitopolwa oyindji ngaashi okuulika uunongo noonkuluhedhi dhaanasikola. 

Opwali woo pwa landithwa iikulya, iikutu nosho woo iikunwa yomaludhi ogendji. 

Oshituthi oshaka hula nomainyanyudho gakwata miiti Etitano mpoka kehe gumwe ali a pewa mo moongalo dhoshikulu shonale naandhi opo dha ndulukwa. 

Aahikingalo ngaashi Tate Buti oye gumwe nokuli ali a nyanyudha ongundu ndjoka yali ya gongala sho a imbi okangalo ke ta ithwana Amalia. 

Gazza okwe ya pemo manga muutatu moka mwali mwa kwatelwa Tufike Apa, Shuna naGazzat.  Sunny Boy naye okwa ningi ngaashi ha ningi shito sho a imbi ko manga kamwe komuungalo wonale. 

Oshituthi oshaka hulithwa nee kuExit nuungalo we ngaashi Killa All Star, Mokoona naOndaaraokili. Konyala ongulohi oya endele nawa na ayehe oya zileko ya nyanyukwa.

LEAVE A REPLY

Please enter your comment!
Please enter your name here