Brass Band a nyanyudha aavu moshipangelo shaNandjokwe

0
258

KuMaria Namupala

ONAYENA – Ongundu yokwiimba ndjono ya tseyika nedhina Brass band oyali ya talelepo oshipangelo shaNandjokwe etitano lya piti.

Ongundu ndjika oya yambukile koGerman , noyali ya talelepo Namibia ethimbo lyuule woshiwike. Omuwiliki gongundu ndjika Dulski Witold okwa ti oyali ya tokola opo ya kuthe olweendo yo ya talelepo oombinga adhihe dhaNamibia.

Dulski okwati ongundu yawo oya thikamapo maakiintu naalumentu mboka yi imanga kumwe muukwatatu opo ya vule kwiimba muukumwe nokuutandelitha evangeli ndyoka e wete lya pumbwa oku gandjwa miilongo niilongo . band-Namibia-Bischof-Nambala-1

“Olundji ohatu imbi oondjimbo dhetu koshilongo shetu koGerman, ohatu kala noku talelapo iilongo mbyoka yopopepi tse tatu imbi oondjimo dhetu ndhoka aantu haya kala ye dhi hokwa nolundji ohaye tu hiya opo tu ka imbe uuna yena iituthi tse tu ka mwenyeke,” Dulsi tati nga.

Metalelopo lyawo oyali ya tamekele koVenduka mono yali ya gongala pamwe naakriste ooyakwawo yomegongalo lya Immanuel.  Oyali woo ya imbi pamwe noongundu ndhono dhili ookahewa kayo ngaashi ongundu ya Tungila kemanya, Jesus Choir, Thlokomela oshowo Trombone choir yoko Tamariskia.

Dulski nongundu ye okwi itaala kutya nonande aantu ye lyaathane kokule  kashishi oshidhigu oku kwatathana oshoka otaya vulu oku ninga omakwatathano tashi pitile miiyimbo, tati shino osheya kwatha unene mokukala ya hangana muukumwe nonande yeli miilongo ya yoolokathana.

“ Otwa talelepo mo Katutura mOvenduka mono twa mono kutya aantu oyendji oya pumbwa omakwatho, otwa kambadhala tu gandje okashona hoka tuna kaantu mboka taya pumbwa omakwatho,” ta gwedhapo ngaaka. band-Namibia-Bischof-Nambala-1

Sho ya talelepo oshipangelo shika shaNandjokwe etine lya piti oyali woo ya gandja oshimaliwa sho 11,000 euro, shono ya holola kutya otashi ka kwathela maavu mboka taya lumbu nombuto yo HIV/AIDS,okudheula aapangi oshowo okukwathela shoka tashi pumbiwa mOnandjokwe.

Aavu mboka yali yeya koshipangelo shika esiku ndyoka oyali ya talalekwa komitima noondjimbo, oyali woo ya talelepo dhimwe dhomoondunda mono muna aavu mboka taya lumbu nomukithi go AIDS.

Mehuliloshiwike oyali ya talelepo oshitopolwa shokomunkulofuta mono yali ya imbi noku ulika uunyakwa wawo. Oya uvaneke taya kala noku gandja omakwatho kiipangelo, oshowo otaya kala ya galukila moNamibia muule wethimbo efupi.

LEAVE A REPLY

Please enter your comment!
Please enter your name here