Oniihwa Eleven yasindana ekopi lyoMatimba

0
195

KuPinehas Nakaziko na Maria Namupala

ELOMBE – Omolwa ohokwe nohole yuudhano kiitopolwa yokuushayi aantu oyendji yopomikunda osho wo oondolopa dhopopepi nomukunda Elombe oyali ya mbombolokele kekopi lyaMatimba ndyno lyali lyadhanenwa muupale uuyali Onangombe Stadium osho wo Kasita kAbel Stadium hono kalukilwa mwene gwomukunda Onangombe ngono wo naye ali a holoka eye a kale pekopi ndika.

Hagai Uushona ngono eli gumwe gomaawiliki yomaudhano moshitopolwa okwati uudhano nenge otonamenda ndjika ohayi dhanwa aluhe kehe omumvo moka oosipana dhaza moshitopolwa hadhi gongala noku dhana okatanga haka kokoompadhi.

“Uudhano mbuno ohawu ithanwa Matimba, otonamenda ndjika oyali ya ningilwa puupale wopElombe moshikandjohogololo Onayena, oosipana odhali dhayi methigathano opo ku talike ngoka ha dhana okatanga e vule mukwawo” Uushona ta ti ngaaka.

Esiku ndyoka omakondombolo ogali tagali ehete po kapwali mwali ta tumbu mukwawo oshoka kehe gumwe okwali ta dhana nuudhiginini oshoka kehe sipana oyali ya hala oyo yi kale dhingi.  Nestory Moses Matimba ngono oye a kwathele moshimaliwa opo ku longekidhwe uudhano woludhi nduka okwati ye mwene okwa hala aagundjuka opo ya kale noku inyanyudha momaudhano opo ya yande okulonga iilonga iiwinayi, yo ya kale yena uukolele wa gwana.

Konyala oosipana dhi thike pomilongo mbali odhali dha kutha ombinga mono iiti yali tayi teka oshoka nkulungu kehole mukwawo tadhana. Oniihwa Eleven oyali yeshi pondola okusindana po ekopi ndika sho yadhenge mo Omalambo United ookola 3-0, mono yasindana ekopi, oombandi dhoshingoli oshowo N$2000. 

Omolwa okayambu kawo kohanda neyilongekidho lyakwata miiti mOniihwa Eleven omo wo mwa li mwazi omudhani dhingi ye oye wo natango omutilimo gokoola odhindji omumati a tseyika nawa Ambambi Johaness, epapa lyomukwati dhingi olyayi kuDove Koja gokoHavana City. 

Abed Koch-koch Uusiku ngono ha dhanene ospana yOniihwa okwali a ulikwa onga oye omudhanidhingi muudhano mbuka awuhe omanga Ambambi Johaness naye ha dhanene ospana oyo tuu ndjika oye a tulamo ookola odhindji dhi vule dha yakwawo muudhano mbuka.

  Uusiku okwati oya pandula unene oospana adhihe dhali dha kutha ombinga muudhano mbuka teya indile ya tsikile nokulongela kumwe ngaashi haye shi ningi shito, ta ti uudhano wawo mbuka owali wa longekidhwa momukalo omuwanawa, nowe enda nawa.

Gumwe gwoomaadhani aakulukulu mOniihwa Eleven Kadafi KaNamibia ota ti okwa pandula unene sho osipana yawo yeshi enditha nawa noya tegelela nokuli yeshiningagule natango pomakopi gomoshitopolwa ga landulako ngaashi, Elombe Challenge Cup osho wo Ndateelela Championship ngono haga kala ko puDesemba.

Omuunganeki gwekopi ndika Moses Matimba ota ti okwa pandula kehe gumwe ngoka ali eya kutya nee oyo mba yali ye ya okutala nenge oomboka yali ye ya niilandithomwa osho wo aadhani naadheuli yawo, okwa pandula wo sho uudhano wapu kaapuna ngo a fila mukwawo okavi nenge omitya nayi kaahiki hiya.

Omvula tayi ya hwangu ne oshoka otashi ka kala oshikando oshitimulongo noshimaliwa otashi kakala shi vulithe pomayuvi omulongo mono oosipana dhili omulongo tadhi kamona omasindano gadho.

Caption: Matimba ta gandja ekopi kosipana yo Oniihwa Eleven

Picture: football pics 1,2,3,4

Caption: Osipana yOniihwa Eleven

LEAVE A REPLY

Please enter your comment!
Please enter your name here