Oshigwana sha indilwa shi hulithepo elongitho lya pitilila lyomalovu

0
307

KuLoide Jason 

OUTAPI- Aaleli aakuluntu yopashigwana noshowo Omuste gwoshilongo oya tsu omuthindo noku kumagidha oshigwana opo shi hulithepo okulongitha nayi iikolitha sha pitilila.

Omupresidente Hifikepunye Pohamba okwa ti ngashingeyi oshigwana osha pikwa kiikolitha na kapena woo eyooloko pokati koomeme, nuunona noohe.

Pohamba okwa ti kutya tango tango osha tamekele ngaa notate taya yi koondingosho ashike ngashingeyi, oomeme nayo ohaya landula aasaane koondingosho  yo oomeme taya landulwa nduno ishewe koyana ndele oshinima tashi ningi nduno oshimbwilikita.

“ Ngashingeyi oshinima oshaninga oshimbwilikita, oomeme ngaa mboka yali ya simana nale ngashingeyi oyo ya ninga oolandelangemo. Omadhina gwoomeme ngashingeyi oyo landelangemo, omanga ootate oyo ohainu yameme,” Pohamba a nyenyeta.

Okwa ti kutya aalumentu mboka taya ti kutya iimaliwa mbyoka taya nu oyoohe nooyina, hasho yeyi peelwa, okwati imaliwa mbyoka oye yi pewa opo ya kiikwathele moompumbwe 

Okwa ti omadhipago gaakiintu  ngashingeyi oga indjipala unene ashike oha ga etwa unene  kelongitho lyiikolitha lyapitilila .

Omukokoli Peresidente  Sam Nuyoma naye woo okwa kumagidha opo aakuluntu ya tameke okunwina omalovu momagumbo oshoka aniwa omalovu ngashingeyi oha ga eta evundakano moshigwana.

Okwa ti ngashingeyi oyendji ohaya niningi iiningwanima iinene molwuukolwe shoka a ti kashili mondjila.

Okwa hokolola woo kutya aanona yaamati mboka taya longo iihenandunge unene yokutsa aantu noombele naya pangulwe pamuthigululwa kalo etaya hanyenwa oshoka omikalo dhawo inadhi uka okukala mokati kaantu.

Elenga enene lyaMbalantu   Oswin Mukulu okwa ti ngashingeyi oohombo otadhi tekauka  unene oshoka  aantu otaya longitha iikolitha sha pitilila.

Mukulu okwa ti iikolitha ngashingeyi oya pika oshigwana na oshili iiningwanima tayi ningwa moshigwana shetu otayi tilitha noonkondo .

Aaleli mbaka ayehe ya tatu okwali taya popi poshituthi shokomumvo shOlufuko pOutapi mehulilo shiwike lyazi ko.

LEAVE A REPLY

Please enter your comment!
Please enter your name here