Pupkewitz a egulula etungo lyoopalekwa lyokulandithilamo iiyenditho

0
163

KuNuusita Ashipala

OSHAKATI-Etungo lyokulandithila omahauto ngoka ogo haga landwa unene muuyuni olya li lya egululwa ku Ngoloneya gwaShana, Clemens Kashuupulwa mOshakati Etine oshiwike shayi.

Etungo ndika lya opalekululwa koondola oomiliona N$10.8 olya opalekwa opo li kale lina omutalelo tagu tsu kumwe nomuthika gwopombanda gwehangano lyooToyota   oshowo li kale tali hili oonakulanda lyo li kale woo lya fa omatungo moka hamu landithwa iihauto yooToyota shaampoka to ga adha muuyuni mbuka oshowo okukala lina onkalelo neholokepo lyafa omatungo agehe moka hamu landithilwa ooToyota shaampoka to ga adha.

Nonando ehangano ndika olya li lya piyaganekwa kashona miilonga yalyo omolwa okutungululwa huka natango olya li lyeshi pondola okulanditha iiyenditho  konyala yoopelesenda 89  na olya gandja omayakulo pooperesenda 82,5.

Oshitayi hashi longo iimaliwa oyindji sha Pupkewitz Toyota Oshakati,osho ongeshefa yelongelokumwe pokati ka Namibia Development Corporation (NDC) na Pupkewitz Motors (North) (Pty) Ltd,. Oshitayi shika osha koko  noonkondo okuza pomuthika kwali hashi landitha oohauto 12 komwedhi noku ya pwaangoka ngashingeyi hashi landitha oohauto konyala 60 komwedhi okuza tuu nkene sha dhikilwepo omumvo 2000, pahapu dhomunashipundipitithi Junior Bruwer.

Okwa ti ongeshefa oya koko tayi endele pamwe  nomahupilo gomOshakati sho ongalashe yoku opaleka omahauto nayo ya nenepekwa oshowo ehala lyoku landithila iitenda yooToyota lya gwedhelwa, nongashingeyi konyala iihauto omilongo 50 ohayi pewa epango esiku kehe opo yi kale yili nawa notayi mbilipaleke ooyene yayo. Oshitopolwa shokonooli osho shina oshigwana shooToyota odhindji pakuuva mevi lyomapenda. toyota-three toyota-four

Omunashipundipitithi gwa Pupkewitz Motors (North) Junior Brewer okwa ti aayakulwa yawo sho ya tsikile noku hokwa iiyenditho mbika ,shika osho sha kokeke ongeshefa ndjika na oshe yi thiminike opo yi nenepeke ehala oshowo omayakulo gawo kaayambidhidhi yayo noku kondjitha okwaana iilonga moshilongo.

Okwa tseyitha wo kutya  Pupkewitz Toyota okwa tameka okudheula aaniilonga ye okuza petameko molupe lwo ku etamo aagundjuka noku ya longa iilonga manga taya longo opo ya mone uunongo nuungomba mboka wa pumba moNamibia.

 Sigo oompaka ehangano oli na aalongwa yeendela mopolgrama njika yeli ya tano aawiliki poondondo dhopombadna mehangano. Ookandidate ne odha hogololwa wo okudheulwa momadheulo taga tsikile.

LEAVE A REPLY

Please enter your comment!
Please enter your name here