Uudhano wo beach volleyball ota wu koko

0
219

KuShipi Elago 

ONGWEDIVA – Ethigathano lyEtanga lyokomake lyokomunkulofuta otali ende nokukoka miitopolwa yokuumbangalantu.

Paulus Mulunga ngoka eli omunashipundi gUudhano wokomake mbuka okwa ti uudhano wetanga lyokomake woludhi nduka owu li tawu koko noku tseyika koyendji miitopolwa yokoNooli .

Shika Mulunga okwali eshi holola pUudhano wetanga lyokoonyala mboka wokomwedhi wali wa unganekwa mesiku lyomapendafule mOngwediva moka oosipana ne dhaakadhona na ntano dhomakanda dhali dha kuthombinga. Mulunga okwati  otaya longo uusiku nomutenya oku andjaganeka uudhano mbuka niitopolwa yokoNooli tashi pitile mokupendulapo omaudhano pamuthika gomainyanyudho.

Okwa ti oya tokola ngashiingeyi opo yaye moosikola opo ya ka kongemo iitalenti noku tsika ombepo yuudhano mbuka maanyanyamagulu. Kakele kOosikola ohaya unganeke uudhano woBeach Volleyball kehe komwedhi ongo oshikonga shokukuna  ohokwe yuudhano mbuka moshigwana.

Mulunga tati oya hala ethigathano ndika likale andola hali taambathanwa kiitopolwa yokoNooli kali kale owala hali ningilwa mOngwediva nOndangwa ngaashi shili mongashiingeyi, ashike likale wo hali yi nokiitopolwa yilwe moNooli na ota indile ngele opuna mboka yena ehala lya andjuka nawa na opuna ehekevi lyagwana okudhanenwa opo ya ninge ekwatathano nayo taya vulu oku ya adha kepandja lyo facebook” Far Northern Volleyball League.

Mulunga ta tsikileko tati uudhano mbuka wokomunkulofuta ohau dhanwa kaantu yeli yaali kombinga mboka yena okwiiyutha koompango dhuudhano mbuka nonando haandhoka dhomuule.

Tati oompango ndhika oha ye dhi yelithile nawa aadhani omanga uudhano inawu tameka, shoka shili oshitopolwa longo okulonga nokuhokitha mboka kayena ontseyo muudhano mbuka. Mulunga okwati uudhano otawu kalekepo uundjolowele kaakunawe na noshowo oku keelela elongitho nayi lyiikolitha ndyoka ngashingeyi lyavuka moshilongo shetu.

LEAVE A REPLY

Please enter your comment!
Please enter your name here