Va fiwa pomutenya kolusheno

0
182

KuHelvy Shaanika ONGWEDIVA – Oovene voundingosho veli vavali vopomukunda Onangwe mOshikandjohoololwa Onamukulo, Osoondaxa ya djako oveli li hanga momupya, eshi oundingosho vavo va kwatwa komundilo nokupya po filufilu. Moundingosho omo omwa kwatelwa kamwe komakende omalodu, nakakwao haka landifilwa otombo. Ndeshihafela David oo ha landifile mukamwe komoundingosho ovo okwa hokolola kutya omudilo owa hanauna po okanduda filufilu, mwa kwatelwa oilandifomwa, oraadio, eembapila donduda, oaiskasa, oimaliwa keemuma, noipeleke oyo ya longifwa okudengela oundingosho ita i ka longifwa vali. David ta hokolola kutya keshi eshi sha eta omundilo ashike ota fekele kutya eengodi dolusheno olo li li mokandingosho kaye odo odeli kwata nokueta omundilo. Ta ti okandingosho omo ha landifile oka pyapo filu filu, opamwe nedimo etivali omo hamu landifwilwa otombo kumukwao umwe. Edimo etitatu ola xupa shaashi eshi omundilo waka yaka ovakwashiwana ovo vali tava ende po tava i kongeleka oveumona, nokuufana ovanhu vamwe ndele tava pangulula ko oipeleki. Herman Ngasia oo eli Omupopiliko wehangano laNored olo hali adjakanifa olusheno okwa ti omundilo owa holoka po eshi umwe womoovene vokandingosho a dimbwa okudima efiya lokolusheno, nokulifiya koplaka. Ngasia ta hokolola kutya oovene vokandingosho ova tumakanifa nokutula oplaka yefiya kolusheno, ponhele yokutula ko oplaka yoaiskasa konguloshi yOlomakaya. Eshi osha eta nee opo efiya lindjene unene, nokutukulula omundilo oo wa xwika po okandingosho oko ongula yOsoondaxa. Ngasia ta kunghilile opo ovakwashiwana va kwate olusheno noukeka, ta ti olusheno nonande oshinima shiwa, ota li dulu oku eta oshiponga ngeenge ina li kwatwa nawa.

LEAVE A REPLY

Please enter your comment!
Please enter your name here