Ya dhana oshituthi shoshipe

0
175

KuMaria Namupala

OMUTHIYA-  Ngaashi shili omukalondjigilile aluhe kutya konima shampa aantu ya teya eta ya yungula , ngele ya mana omalupale ohaku dhanwa oshituthi shoshipe mono aantu haya gongala etaya li oshipe pamuthigululwakalo, nonuumvo osho shaningwa.

Molyomakaya goshiwike shaziko oshituthi shino oshali sha dhanenwa mOmuthiya moshitopolwa shaShikoto. Poshituthi mpano opwali pwa kalwa kominista yUunamapya nuunimuna John Mutorwa oshowo omupevi gwe Lempy Lucas, Ngoloneya gwa Shikoto Penda ya Ndakolo, kaaleli yoondondo dha yoolokathatha naalongi Mahangu yaza kiitopolwa ihamano yoshilongo.

Pethimbo ta popitha aantu poshipe Minista Mutorwa okwa holola kutya oshituthi shoshipe ohashi dhanwa aluhe kehe omumvo nohashi endele pamwe negandjo lyomapapa komulongi Mahangu dhingi moshilongo ashihe. “Shino oshikando oshitiyali oshituthi shika tashi dhanenwa moshitopolwa Oshikoto,ohashi ningilwa moshitopolwa mono omo mwaza omulongidhingi momahangu,” Mutorwa ta ti.

Okwali a pandula ayehe mboka ya longa nuudhiginini teya indile ya tsikile  nomukumo opo ku yandwe oshikukuta nondjala  moshilongo. Okwa tsu omukumo ayehe mboka inaa ya hala okulonga omapya  haya kala owala ya tega iikulya yoshikukuta opo ya huleko oongaku yo ya tameke ku longa omapya gawo kuyele yo ya mone eteyo tali nyanyudha pehulilo. Ngaashi epopyo hali ti shi alula oshina ondjambi,Olyomakaya ndjoka opwali  pwa gandjwa omakopi kwaamboka ya longa nawa oshoka olundji osho hashi ningwa konima yoshipe. Shika oshali sha ningwa sho Omulongi gomahangu a tseyithwa esiku olyo tuu ndyoka. Omukokele lela Pinehas Nambandi okwali a ulikwa onga omusindani kamana mokulonga omahangu nuumvo. Nambandi okwa yambukile moshitopolwa shaShikoto sho osho sha eta opo oshituthi shika shi ningilwe pOmuthiya ngaaka.

 Nambandi okwali apewa omakopi geli gaali , oshigandhi, oshimaliwa shondjundo shono ta kala noku ikwatha nasho oshowo uumeno mbono ta ka tsika. Omagano okwali ega pewa ko Agronomic board, Agri bank oshowo kehangano lyo AMTA. Nambandi okwa yambukile kofaalama ye kOshamakaka hono oko a longa iilya mbyoka oyindji. Epya lye olina oohekita dhi vulithe pomulongo.

Thiremo Thikerete gokoshitopolwa sha Kavango East naye okwali a pewa omapapa sho a longa nawa kwaamba yena oohekita dhili meni lya ntano. Esiku ndyoka konyala kehe ngoka  alonga evule yakwawo moshitopolwa shawo okwa pelwe ekopi onga omulongidhingi. Nambandi okwali a nyanyukwa oku taamba omakopi ge ngaka okuza ku Minista Mutorwa ta uvaneke kutya natango ota longo nuudhiginini opo oshituthi shika shi dhanenwe mOshikoto omumvo taguya.

LEAVE A REPLY

Please enter your comment!
Please enter your name here