Aanamukunda ya thigipo omukunda sho ya tilithwa nuulodhi

0
187

KuChrispin Inambao

WINDHOEK – Aakalimo yomomukunda gumwe moshitopolwa sha Zambezi pomukunda Iseke oya thigipo omukunda gwawo ngoka sho ya tilithwa kutya ngele itaya zipo otaya ka logwa.

Konyala aakiintu yethike pu yaheyali opamwe noyana  oya li ya thigipo omukunda gwawo oshiwike shayi. Omukunda nguka Iseke oguli moshikandjohogololo sha Katima Mulilo komikunda.

Onzo yimwe oya ti omatilitho guulodhi oga faathana ashike nenge ogo oludhi lumwe lwokuhepeka aantu ngaashi ashike omahepeko ga kankamekelwa kelongitho lyoonkondo unene hali ningilwa aakiintu. Shika oshi li ngaaka oshoka mbaka ya ningilwa omambandameko ngaka oyo aakiintu naanona. 

Natamoyo Maurice Muyatwa omutitatu momusinda guukwaniilwa wa Chief Kisko Liswani III omuwiliki gwa Masubia  poshipundi shuulenga sha Bukalo okwa koleke efadhukepo ndika lyaantu okuza momukunda Iseke .

 Natamoyo okwa ti oshipundi shuuwiliki sha Bukalo inashi tseyithilwa nawa ombahu nokawawa kombinga yaashika inaashi monikamo nale momukunda Iseke. 

Elenga lyomukunda ngoka Vincent Salufu olya li lya pewa oshinakugwanithwa oku ka konakona oshinima shika.

Ongundu yaa fadhukipo mboka ya li ya tila oya ti oya taamba oombapila odhindji tadhi ya lombwele kutya naya thigepo Iseke moompadhi oontalala ngele hasho otaya ka taalela oshilanduli shoka sha kwatelamo okulogwa niilandu yakwo.

Aanamukunda mbaka oya fadhukilepo komukunda gumwe oya hokolola kutya oombapila ndhoka odha li dha umbilwa momagumbo gawo pethimbo lyuusiku , odha ti otashi vulika yo ya se kuulodhi waashiwike. 

Oongundu yaakiintu noyana oya thigipo egumbo lya Samson Musilizo pomukunda Iseke konyala ookilometa 70 pondje ya Katima Mulilo,konima yokupewa elombwelo kutya naye shininge ngele inaya hala okusa mbala. Omulongisikola gwomoshitopolwa sha Zambezi ngoka inaa hala okutumbulwa kedhina okwa ti  aakiintu mboka ya gumwa koshinima shika oya uvu omainyengo ganika uululi kombanda yoondunda dhawo mokati kuusiku.

Nguka okwa ti shoka tashi kumitha ooshoka kutya ombapila ndjoka itaayi vulu okuleshwa oya shainwa mokulongitha edhina lyomuntu ngoka a manene oondjenda sho a sile momeya omumvo gwaziko..   

Ongundu yaakiintu noyana oya thigilepo omukunda Iseke oshiwike shayi  konima yokutseyithilwa kutya naye shi ninge ngele inaya hala okusa ombaadhilila.

Mwene gwomukunda  Induna Salufu sho a pulwa oshinima shika okwe shi koleke kutya aantu mboka oya thigapo ehala ndyoka Iseke.

Induna Salufu okwa ti mekonakono lye okwa mono kutya nguka omutilithi ashike gwowala a hala oku kuthapo evi lyaakiintu mbaka mokulongitha omatilitho guulodhi sho a umbile iigwanga yaana oonkondo dhasha  momidhingoloko dhomagumbo gawo mbyoka ya mbandameke aakiintu mbaka..

Natamoyo pompangu yopahedhi poBukalo okwa ti iiningwanima yuulodhi oyilipo ya ninga oyindji naambika otayi ningwa omolwa aantu yahala okuyuga yakwawo evi.

“Oku itaala uulodhi osho omuthigululwakalo gwetu niinima mbika ohayi pulakemwa olundji moompangu dhetu. Osho Natamoyo a ti kombinga yiilonga yomilema mbika.

Eitaalo lyuulodhi olya andjagana unene muAfrica lyokomikunda. Omimvo omishona dha pitipo konyala aantu omilongo hetatu oya li ya kwatwapo uule woomvula hamano oshoka oya monika ondjo yuulodhi moshilongo shimwe oshishona muAfrica.

Omumvo gwayi oinspekta yopolisi  Tadius Chibanda okwa li a endululwa kiifonkundana kutya aalodhi yaali oya li ya kwatwa moZimbabwe sho ya adhika ye li owala ongula yesiku limwe pondje yegumbo moshitopolwa sha Budiriro moHarare.

Aakiintu mbaka yaali yaza koGokwe-Nembudziva moshitopolwa sha Midlands oya li ya pangulilwa oku longa nuulodhi komeho ha mengestalata gwa Mbare. magistrate. 

Oya li anuwa yaadhika  nomahwiyu gaali gena omwenyo  niilongithwa yimwe mbyoka hayi humbatitha uulodhi. 

Mo Zambia omwa li oolopota tadhi popi kombinga  yaalongi yaalumentu taya lala naakiintu yaalodhi nonando aniwa mbaka ina ya hala okuya nayo momilalo. Oshiponokela shatya ngaaka osha li sha lopotwa posikola ya Makaba primary momudhingoloko gwa  Siavonga.

LEAVE A REPLY

Please enter your comment!
Please enter your name here