Ehangano loAgra la wanifa omido 34 moNamibia

0
164

Komutoolinghundana

ONGWEDIVA-Agra olo ehangano dingi hali kandula po eemhumbwe adishe dovanafaalama novalimimapya mokuva  etela popepi omiti dokutunhila oimuna tadi kwatele po oukolele woimuna pomafimbo omudo a yooloka. Multi vax omuti hau hakula omaxwata omikifi oshipunga noshiwinyo, omanga oSuper vax  hai tunhile oshinambuda, oshiwinyo nombulwa nokakende keemililiter 500 oka wana okutunhila eengobe 50. Edi, oda tumbulwa komunambelewa omukwatelikomesho woshitaimbelewa pOshivelo moshitukulwa shaShikoto Salomo Kauari.

“Nande oAgra ya tameka kulandifa oilandifomwa konima yomido 34, ovanafaalama kombada yomufinda utilyana  moitukulwa  Oshana, Omusati, Ohangwena nombinga yOshikoto ova pula Agra a patulule ombelewa moNooli, shaashi natango ove li kokule nOshivelo oko haku  monika omiti oikulya yoimuna noyoinamwenyo oshoyo oilongifo paunamapya nomounafaalama”,Kauari ta lombwele oshifo Kundana

Ta weda po vali kutya, ehangano loAgra oli na oitaimbelewa aishe kumwe moshilongo 18 moWindhoek, Okahandja, Otjiwarongo, Grootfontein, Tsumeb, Omaruru, Karibib, Opuwo, Maltahohe, Mariental, Rehoboth, Keetmanshoop, Aranos, Karasburg, Gobabis oshoyo keedoolopa dikwao. Ombelewa pOshivelo oya patuluka 2012 hai yakula unene ovanafaalama momudingonoko wOmangetti neefaalama domomudingililo wOshivelo.

Kakele komiti doimuna noikulya yoimuna noinamwenyo  ya kwatela mo eembwa, eembishi neexuxwa, Agra oha landifa oilongifo yopaunamapya, eedalate, oikutu yovanailonga meefaalama, omauta neeholo nosho tuu.

“Pefimbo lomaulikilo oipindi aNgwediva 2014 ovanafaalama vahapu ova talela po okatala koAgra okulanda omiti domapuka, doikombo deexuxwa odo da pwa po diva. Kauari ta ti, ovanafaalama vahapu ova pumbwa omauyelele nomiti deexuxwa, doikombo. 

Ovanambelewa va dja koWindhoek eshi va ninga omapekaapeko okutala komumbwe  yepatululo lombelewa ova koleka efaneko lovanafaalama”.osho Kauari a lombwele oshifo Kundana.

Pexulilo okwa kunghilila ovanafaalama kutya, nonande kOshivelo okokule okuka landa omiti, okukelela okudule okupanga novanafaalama manga inava ya molweendo loinano ile okudja koNooli, otava dulu kudengela ongodi  kombelewa okuuda ouyelele. 

LEAVE A REPLY

Please enter your comment!
Please enter your name here