Ekoto pamwe noulai

0
436

ONGWEDIVA – Omunangeshefa hakala mOngwediva okwe li hanga momeva mapyu eshi a ekela oinima yanyonauka modoolopa yaNgwediva shihe li paveta. 

Eshi  haku ti ekoto oli li pamwe noulai, omukashiwana ou vati a ekelashi oipakete ihapu oyo shiimba i na omiti dokomayoo omayovi mahapu keengulasha  dOsoondaxa, moku hashiivasha okwa ekelashi yoo okambapila ke na onomola yeumbo opo hadi, okoo ka pukulula opolifi. 

Omiti edi da ninga nai oda ninga omafiku ta di liwa kounona, nelelo lodoolopa yaNgwediva ola tila kutya pamwe ovakwashiwana vamwe ova tuta po oipakete imwe vakalandife, shaashi kaku shivike naana kutya oipakete ingapi ya ekelwa shi. 

MEtivali loshivike eshi, vamwe vovakalimo mOngwediva ova lopotela elelo lodoolopa noshoyo opolifi, kombinga yoipakete omilongo dihapu yomiti dokulikusha komayoo odo da hangwa lwopomaumbo hakutiwa oBetter Housing.

Eshi ovanambelewa velelo lodoolopa opamwe nopolifi ve ya ponhele oyo i li popepi nofitola ya lukwa okaKunene, ova hanga ounona vofikola tava hakana omiti odo dashangwa Angola, nopakutala, ounona va hapu ile ovakwashiwana vahapu ova enda po nale ponhele opo, notashi dulika va kufa po nale ihapu yomoipakete oyo.  Pakutala nawa, ova nambelewa ove li twa mokambapila kashangwa ondjukifi  yeumbo li li mOngwediva. Opolifi eshi ya ya keumbo oko ya hanga omufekelwa.  Omupiliko wElelo lOngwediva Andreas Uutoni okwa ti omulumenhu ou okwa futifwa nale oN$1600, oyo i li ehandukilo ha li yandjwa kwaaveshe ovo va ekela oinima modoolopa shihe li paveta. Uutoni ta ti kake kwaasho, elelo lodoolopa ota li ka popya nopolifi noshoyo ouministeli wouhaku, nouministeli woinima yomeumbo, opo kutalike kutya oinima ei oye ya mo tuu moshilongo paveta ko kutalike yoo  nge opena vali eenghatu dimwe tadi dulu oku kufilwa omulumenhu ou.  Uutoni ta kunghilile kutya elelo ita li keli didimikila nande eekelo loimbodi naikwao ihapu liheli paveta modoolopa.

Ta ti elelo lodoolopa ola kala alushe nokukumaida ovanangeshefa opo va popye nelelo ngeenge va pumbwa okuekela shi ile okuhanauna po oinima oyo ya nyonauka. 

“Ohatu va pe neefoloma opo vediyadeke voo vaka futwe komahangano omakwashilipaleki,” Uutoni ta fatulula.  

Uutoni ta ti oku niwe outile kutya omiti edi da shangwa Angola ota di dulu oku etela ovo vedikufa po ngee oveke di longifa, ta kunghilele oshiwana shihe di landife shaashi oda shangwa efiku omo daninga nai. Ta weda po yoo kutya oovene vomaumbo nava tale nawa ngeenge ta va yandje omaumbo avo opo a rentingwe shaashi ovanhu vamwe otashi dulika tava ka longela mo oilonga youlingilingi. “Ngeenge ta va ningi eecontalaka naava va hala okurentinga nava yeleke kutya omunhu ngee okwa longelemo oilonga youlingilingi meumbo ota tewa mo. Shaashi fye eumbo loye olo ashike hatu pe efano lakaka. Ovanhu vamwe oha va kala tava landifa omapangwe, noingangamifi yomaludi a yooloka, vamwe oha va longo oilonga ikwao ii, ndee ngee omunhu ino kotoka oinima oyo ota i longelwa ashike meumbo loye,” Uutoni ta ti. 

LEAVE A REPLY

Please enter your comment!
Please enter your name here