Ekwato komavele lovafuko la udifa vahapu nai

0
199

KuHelvy Shaanika  

ONGWEDIVA – Eholoko koFacebook lomafano a vamwe vomoukadona ovo va kufa ombinga molufuko loneudo, ve ketwe pamukalo uheli mondjila koonakuya kolufuko vovalumenhu ola handula vahapu.

Eshi oshivilo shokomudo shOlufuko sheuya pexulilo vamwe ova tula omafano koFacebook ena ounona voukadona ovo va fukala vamwe vekwetwe komapepe navamwe ove kwetwe nokuli komavele, kuvamwe vomovalumenhu ovo va talela po olufuko neudo.

Ovo va uda nai koshinima eshi otava ti Olufuko oshinima ashike sheshunduko, noshili omhinge nounhu womunhu.

“Alikana nadi lombwelwe ngee oku kwata kwata ovanhu komavele nasho oshi li oshitukulwa shomufyuululwakalo? Kalunga velula ovaleli vetu vo va dule okuyoolola pokati kowii nouwa,” umwe osho a ti ngaho koFacebook. 

“Onda li nda teelela ngeno ooNamunganga opo va honge ounona ovo oufemba wavo.

Okukwatwa komavele oshinima shififa ohoni no kashishi okutambulwako,” mukwao umwe ta ti. 

Omukulunhuwiliki melelo lodoolopa mOutapi, Ananias Nashilongo okwati nonande omalihumbato aa kakwali a lopotelwa okangudu longekidi kolufuko, shelikololela kwaasho a lombwelwa komutoolinghundana waKundana, oshinima eshi ota shi kakala shimwe shomoinima oyo ta i ka talika nawa momutumba wokangudu aka.

Nashilongo ta ti konima eshi ovanambelewa vaye va mona omafano, ova dimbulula mo vamwe vomwaavo veli noukadona ta ti ova dja komikunda dimwe noukadona ovo.

Okwa holola eudo nai laye omolwa omalihumbato aa ta ti monakwiiwa otaa ka tali ka ko nawa.  Oukadona voneudo ova li va manguluka unene, ina va fa veedula da dja ko. Pamwe osheshi  va hapu unene. Veedula da dja ko ovali ve na ohoni. Ashike paushili omapopyo oo inaa fika ko kufye.  Nashilongo ta ti monakudiwa ovalumenhu kava li va efelwa okuya meumbo omo muna ovafuko, ashike ova ka kala tava tanguna kutya navo yoo ova hala okumona ovafuko.  Nonande va efiwa opo va ye meumbo oukadona ova kala alushe hava kala metonatelo -Nashilongo ta ti.  Nashilongo ta ti oukadona ovo ta va kufa ombinga neudo, ova teelelwa opo va shune kofikola, vaka mane elihongo lavo, ta ti olufuko lopaife ita li lalakanene nande nande okuyeululila okadona opo vaye meehombo ile ngeno va hombolwe. 

“Oshinima eshi osha li sha yelifwa nawa ku ngoloneya [Sophia Shaningwa] kutya itatu kapitika nande nande omifyuululwakalo odo ita di dulu oku endela pamwe nefimbo. Monakudiwa, kakwa li eefikola onghene oukadona okwali va teelelwa opo va hombolwe po, divadiva konima yokufukala. Ashike paife oukadona ava okwa teelelwa opo va shune komaumbo, nokuka ya keefikola va kamane eilongo lavo,” Nashilongo ta yelifa. 

LEAVE A REPLY

Please enter your comment!
Please enter your name here