Kemanya osho kwazi ontsi, nonande kashali shipu

0
211

KuPinehas Nakaziko

WINDHOEK – Omuhikingalo gwoongalo dhoAfro Pop noKwaito, a tseyika nawa nedhina Chiza osho a pititha oshipambu oshishona shoongalo dhe, shoka tashi ithwanwa Kwaziwa Okokule.

“Osha pulandje ethimbo ele opo ndimane okutsa oshikwiila shandje shika shotango monkalamwenyo yoongalo shoka  sha kala  sha tegelelwa koyendji,” Chiza ta ti.

Oshipambu shoongalo dhaChiza osha kwatelamo nee uungalo mboka wa kala no ku inyenga molukanda, mpaka naampeyaka mwakwatelwa ngaashi Lovisa, Etumwalaka naBilly.

Chiza okwati oalubuma ye okwali yina okukala ya pita nale ashike iinima inayi enda nawa omolwa omatompelo gayoolokathana. “Epititho lyoongalo lyandje olyali woo lya yiwa moshipala omolwa woo ekanitho lyomukwateli komeho gwoongalo dhandje Billy ngoka ali etuthigipo,” Chiza tati.

Okwa gwedhapo tati ye inateka omukumo ashike okwa tula omutse kepepe. “Nonande okwa tilwe Kalunga ihazi poyana, oshoshili oshoka ondjodhi yandje yokupititha omandolondolo osho yatsu. Pamayuvo gandje  onda hala kutya oondjila ndeenda monkalamwenyo odhali oondhigu nodhapiyagana, oshoka onda tsakanena niinima yimwe iiwanawa yo yimwe iiwinayi itayi vulu kulandulwa,” Chiza ta gwedhapo.

Moalubuma Kwaziwa Okokule omuna nee oongalo dhomaludhi ndhoka ombwanawa nomajukujuku gomomahala gwokunwina, noombwaanawa nomapipi agehe kutya okuunona uushona, aagundjuka nookuku. “Moongalo dhandje omuna omatumwalaka nde ga nunina aantu ayehe aaNamibia uunene tu aanasikola, aagundjuka mboka ya adhika kombepo yomalovu ndjoka hayeeta omangwandjulathano noma kanitho gwoomwenyo, nosho wo kootate noomeme  mba ya tekula uunona hedha huka tulye. Pungaye mwene ondiwete kutya ngele otwa landeni uungalo mbuka eta wu pulakenwa nawa nelalakano, nena oyendji otaya ka lundulula,” Chiza ta ti ngaaka.

LEAVE A REPLY

Please enter your comment!
Please enter your name here