Nakambale a pititha oalubuma ye yotango

0
210

KuMaria Namupala

ONAYENA – Nakambale ongundu ya lukilwa omutumwa omusoomi gotango , ngoka a thikila mOmandongo moshikandjohogololo Onayena. Ongundu ndjika ohayi imbi oondjimbo dhopambepo, noyili mewiliko lya Naftal Amutoko ngoka a tseyika nawa nedhina Kuku Kondombolo.

“Onda mono sha simana opo ndi lukile Nakambalekanene ngoka etu palela ondjila yohapu yevangeli, ndjoka nokuli ya thiki tango pOmandongo mpoka nda valelwa , ngame mwene onda kala omwiimbi sho osho nda tokola ndi totepo ongundu ndjika yolwiimbo,” Kondombolo ta popi ngaaka.

Kondombolo okwati ohaya imbi owala yeli yaali, Gerasius Shikesho nande eli  gwegongalo lya Katoolika, shino inashi ya  nande moshipala. 

“Otwali twa panga uukuUme omumvo gwayi sho twa tsakanene mohungi yaagundjuka, nondali nde mu pula opo a wayimine ndje tse tu ulike oshipewa shetu shokwiimba,” ta gwedha po.

Ongundu ndjino oyali ya pititha oalubuma yawo yotango omwedhi gwaziko, oalubuma ndjino yina omayimbilo gopambepo geli omulongo (10), muna ngaashi, a hepekwa (lyopaasa), kotoka ngoye lungama (lyuupapudhuki), Kalunga kandje gamenandje (lyuupongo), okutumbulapo ashike gamwe gomomaimbilo ngoka Nakambale a pititha moalubuma ye.

Kondombolo okwati ngaashingeyi oyi ipyakidhila no alubuma yawo ontiyali ndjono ya thaaneka yi ka pite mu Desemba nenge petameko lyo 2015. Oya imba momagongalo ngaashi Oshigambo, Omulondo, Ohote,Otavi,Omuntele oshowo komagongalo gamwe gaKatoolika. Hono ya kala noku fala evaangeli lyohapu yaKalunga palupe lwoondjimbo.

Nonande Shikesho eli omunasikola, ye Kondombolo oha longo kashishi oshidhigu kuyo opo ya tsakanene yo yi imbe oondjimbo dhawo. Aagundjuka mbaka oya tsu ayehe omukumo opo kehe ngoka wuna oshitalenti shokwiimba, opo wu longithe ompito we yi pewa, ina ya tala mooha nenge mominkulo naya  yambulepo iipewa yawo.

Kondombolo okwa holola kutya nonande taya kondjo ngeyi oyeli ya pumbwa omayambidhidho, oshoka ngaashi ya pititha oondjimbo ngeyi oya longitha ashike shazi moondjato dhawo yene. 

Oya indile ngoka to vulu ku yambidhidha wu kwatathane naye ko 0812211523. Omayimbilo ngano ohaga imbi aluhe koradio yOmulunga.

LEAVE A REPLY

Please enter your comment!
Please enter your name here