Omauliko gIipindi oga enda nawa nuumvo

0
186

KuLoide Jason na Nuusita Ashipala

ONGWEDIVA – Omaulikilo giipindi okwati oge enda nawa koonono oshoka omwaalu gwoonakulanditha tagu londo guuka pombanda oshoka kapuna ngoka inaa hala oku eta iipindi ye momaulikilo giipindi yaNgwediva.

Omaulikilo giipindi gaNgwediva nuumvo ngoka ga dhanenwa kohi yehuku etopolelathano lyuunongo nehumithokomeho miipindi anuwa nuumvo oyali dhingi na oyeenda nawa kaakunawe.

Nuumvo aalandithi naauliki yiipindi mboka yali meni lyehala nopondje oyali yeli 430 omanga omvogali yali yeli 550 ashike omvogali iipindi oyali yanika evundakono oshoka omwali mwathindikana unene.

Ashike nuumvo aniwa ngeno oko wali ngeno owe shi imonena  shika oshiikololela nee komahokololo gomupopiliko gwelelo lyondoolopa yaNgwediva, Andreas Uutoni. Nuumvo aniwa nomuhindo okuzilila mwaamboka iha ya ende inaya ithiga pokuma ogwali omuhwepo.

Omvula ndjika omwa patululwa ishewe omweelo omutiyali gwomaulikilo giipindi mbika gwali gwatunga kombaanga yaStandard Bank Namibia ngoka gwali gwa patululwa komukuluntu gwombaanga, Junius Mungunda. Omweelo nguka oguna ongushu yoondola oomiliona mbali.

Omaulikilo giipindi ngaka oga gandjawo omapapa kwaamboka yena iipindi yapyokoka ngaashi omulandithi koonono momaulikilo giipindi gaNgwediva nuumvo Road Authority ndjoka  yalandulwa ku Nakale Taleni sho a pewa epapa dhingi  miinima yookonyala naambyoka yathanekwa,  Nakale okwa landulwa nee nduno ku Star Dust Handmade Jewellery  ngoka eya puutitatu.

Taleni  na Star Dust Handmade Jewellery  oya pewa woo  iimaliwa koomuma oondola N$3000.

 Shoka woo shayooloka nuumvo okwa hikwa iihikomwa kaahiki ngalo yeli omilongo 35 mboka ya hika oongalo dha yooloka momasiku gayooloka.

Omukuluntu gwopolisi moshitopolwa shaShana  Ndahangwapo Kashihakumwa naye woo okwa koleke kutya omaulikilo giipindi ngaka nuumvo oga enda nawa ngele tashi ya  piimbuluma. Tati kutya aniwa iimbuluma ashike yili omugoyi ya lopotwa moka mwakwatelwa ohauto yepangelo yadhengwa ekende, aantu ya yakulwa uundjato nookwiidhenga kwaantu mboka yeli kohi yodhungo.

Aanangeshefa aashona mbono yali ya holola enyanyu petameko lyomaulikilo gopaipindi oya holola kutya omaulikilo oge yeendela nawa unene.

Lusina Fillemon ngono ha longele pokandunda komapandelo ko Triple Seven mOngwediva okwati ye ota indile elelo lya Ngwediva li gwedhele omasiku gomaulikilo opo ya wape okumona mosha sha kola.

Fillemon okwa hokolola kutya konima yo maulikilo oondjato odhali tadhi imemeha oshoka aapandwa oyali taya mbomboloka yahala okutuntwamo.

“Eekastoma odhali odhindji nayi, dhimwe odha za meni lyoshilongo omanga dhimwe odhali dhaza kondje yoshilongo ngaashi koKenya,” Fillemon ta hokolola.

Fillemon okwati okwa holola kutya iiyemo ihayi zi pokapala kayela oshoka nonando oocustomer odhali odhindyi opwali okulonga nuudhiginini okuza ohetatu yongula onene sigo opomulongo nambali guusiku.

“Shito okwali hatu longo ashike okuza pohetatu yongula sigo opo hetatu uusiku kakele pomaulikilo gopaipindi okwa li ha tu longo sigo omulongo nambali guusiku,” Fillemon tati.

Matias Shikomba ngono e li omuhingi go taxi pokati ka Ndangwa na Shakati okwali wo a holola enyanyu lye oshoka eecustomer odhali wo tadhi mbombolokele komaulikilo gopaipindi.

Shikomba okwa hokolola kutya okwali ta longo keena oluthuwo oshoka okwali ta longo sigo oocustomer dha pupo okututwapo pomaulikilo gopaipindi.

“Osheenda nawa lela, thimbo limwe omuntu ohwiiyadha to longo sigo omulongo nambali guusiku,” Shikomba ta ti.

Nonando iiyemo oyali yeenda nawa lela Shikomba okwa koneke moondjila muna iiponga oyindji pethimbo opo tuu mpoka nokwa kunkilile aahingi opo ya hinge nawa molufo talu landula omvula tayi ya.

Caption (Pic: Trade Fair Gate One.jpg & Trade Fair Gate Two.jpg): 

LEAVE A REPLY

Please enter your comment!
Please enter your name here