Onheleiwa Barcelona oyo enyakwa

0
199

KuShipi Elago

ONHELEIWA – Ospana yetanga lyokoompadhi yoBarcelona, mOnheleiwa natango oyo omusindani guudhano wOmundohotola Benhard  Haufiku mboka wali wadhanenwa pOnheleiwa ehuliloshiwike lyaziko.

Barcelona FC oya dhenge mo  Onheleiwa City okoola yimwe monola nokuyambula po okapandi ko N$1500, ekopi noombandi dhoshingoli. Onheleiwa City oya mbendekwa N$1000, muudhano wokomumvo mboka haukwashilipalekwa kOmundohotola  Benhard Haufiku nokapandi ko N$30 000. Omundohotola gwopaunamiti nguka okuli wo omvalele yaNheleiwa.

Esindano ndika olya etitha opo okangundumutima kOsipana yo Barcelona opo ka yela yele ngoka ali omudheuli gOsipana okuya pehala lyuumenigera.

Onati Netball Club oyeshipondola okudhenga Wakandu Netball Club nokutoolapo okapandi ko N$1400 omanga Wakandu a hekelekwa no N$1000.

Omundohotola Haufiku ngoka oye thimba yina ongodhi muudhano mbuka okwa ti uudhano mbuka owa totelwe momumvo 2008 na owa ende tawu koko omumvo kehe .

Okwati okwali atokola okutopola okashona ke noshitopolwa moka a yambukile opo, kupendulwepo omaudhano nokupa aanyasha oompito dhaandjuka okukutha ombinga momaudhano.

Haufiku otati iitopolwa yomomikunda oyili hayi liwa oshipungo ngele otashiya komaudhano naashika otashi vulu okushunitha omaudhano konima .

Uudhano mbuka owali wamono eyambidhidho koongesefa dha tseyika nawa ngaashi Chicco Building Material Supplies ngoka akwashilipaleka ookoola noonete dhopamuthika goshinanena omanga ongeshefa ya BH yali ya gandja eyambidhidho nokapandi ko N$4000. Haufiku okwati okwa tokola opo uudhano mbuka wu ka nane aakuthimbinga yaza kiitopolwa yayooloka moshilongo momumvo taguya.

LEAVE A REPLY

Please enter your comment!
Please enter your name here