Oospana methigathano lyaMaalala dha pandulwa

0
160

KuShipi Elago

OMAALALA – Oosipana ndhoka hadhi dhana methigathano lyopoMaalala dhapewa omapapa ehuliloshiwike lyaziko montaneho yomupevi Minista gwAanyasha niipambeleå yomaudhano, Juliet Kavetuna.

Nonando ethigathano ndika otali nana nondatu molwa uupyakadhi woshimaliwa, aakwateli komeho yuudhano mbuka oya tokola okukondja yamanamo opo yakalekepo uudhano mbuka.

Osipana yoKhuse Academy oyali yapewa epapa lyokomumvo sho yali yasindanapo ethigathano lyoMaalala League nokupewa ekopi noombandi dhoshingoli.

Brave Lions oye, ya pehala etiyali sho yali ya pewa oombandi dhoshisiliveli, Naatana Iileni oye omudhani dhingi gwokomumvo nokwali apewa okapandi kooN$ 250 okuzilila ku Dr Muti. GK FC oyo osipana yi ihumbata nawa yokomumvo, omanga,Thomas Shivolo oye omudheuli dhingi gwokomumvo. 

Fish Consumption FC oya pewa epapa lyOsipana hayi zala nawa muudhano wawo auhe. Sho apopitha engathithi ndyoka lyali poMaalala omupevi Minister gwAanyasha niipambele yomaudhano omusimanekwa Juliet Kavetuna okwa ti okwa nyanyudhwa konkatu ndjoka ya katukwa kewiliko lyuudhano mbuka sho ya ningi oshinima oshiwaanawa okweetapo ethigathano lyoludhi nduka.

Ta ti omaudhano ohaga hanganitha aantu,ohaga nyanyudha nokukaleka kokule iinima ayihe iiwinayi hayi ningwa kaantu ngaashi elongitho lyomalovu lya pitilila niingangamithi.

Okwa gandja etumwaumbile kutya Uuministeli wAanyasha owilongekidha oku yambidhidha mpoka tau vulu opo aanyasha aaNamibia ya pewe oompito dhaandjuka  ya vule oku ihumitha komeho.  Ota indile wo aanangeshefa opo ya kwathele epangelo ,oshoka omunwe gumwe ihagu itombola ona. Poshituthi shoka opwali pwa kalwa wo kuKansela gwOndangwa Urban –Rural, Alfeus Kaushiweni. Opwa li wo pwa kalwa kongundu onene yaanangeshefa ndjoka ya uvaneke kutya otaya ka kwathela naampoka tayi vulu okuyambidhidha uudhano mbuka. Oshituthi shika oshali shaningilwa  poSande Bar pOmaalala ehuliloshiwike lyaziko.

LEAVE A REPLY

Please enter your comment!
Please enter your name here