Uudhano wokatanga kokoompadhi mOniipa

0
191

KuPinehas Nakaziko

WINDHOEK – Oshikandjohogololo shaOniipa otashi unganeke uudhano wokatanga kokoompadhi mboka wa longekidhwa kaagundjuka yomOniipa, wa tengenekwa wu ka kaleko  momasiku 26-28 December 2014.

Uudhano mbuka otawu ka dhanenwa  pokapale ko Volcano Sport Field  mOniipa.Okapale haka okeli ontega noshipangelo oshinene shaNandjokwe. Elalakano lyuudhano mbuka okuyambidhidha okinda yuunona hayi iithanwa “Kuku Nekulu Simaneka Kindergarden” nosho wo okweeta aagundjuka pamwe opo yaa  ha longithe iingangamithi, nokukeelela omadhipago nomahepo gaakiintu  naanona, noku yambadhidha elongululo lyokapale oko tuu hoka.

Oshimaliwa shoka tashi ka kondjelwa koosipana dha yoolokathana oshithike poN$5000.00 kosipana yotango, N$3000.00 ontiyali nontitatu N$1200.00 noya huguninaN$800.00.

Oosipana dho moleague yaNamibia inadhi pitikwa dhika ishangithe nande. Otaku hiwa oosipana adhihe dhokonooli okuza ngaa mOshomeya sigo omoRundu, noshowo oosipana dhomahangano gopaumwene nodhepangelo moonoli dhi kiishangithe manga kuyele.

Uudhano mbuka owa kwashilipalekwa koLetu Clothing line, Benzo Bar, Elmero Bar, Deception lounge, Fire House Bar, Frans Printing , Signs no Wandzone Printing and Solution CC. Petameko lyuudhano okwa tengenekwa puka imbwe kuyamwe yomaahikingalo yasimana moshilongo nosho wo kuyamwe yomOniipa. 

 

 

 

LEAVE A REPLY

Please enter your comment!
Please enter your name here