A dhenge nokukokota okamwana

0
253

KuMaria Namupala

ONYAANYA – Okanona koomvula 15, komomukunda Amuteya moshikandjohogololo Onyaanya oka monithwa oshiponga kuhe, sho ka dhengwa no ku ehamekwa noonkondo.

Oshiningwanima shika oshali sha ningwa Osoondaha kongulohi elela manga anuwa aantu ya adhika opo yali omaulalelo.  He yokanona, Andreas Abner, okwa li a tumbula nokuzimina kutya sho tashi popiwa kutya okwa dhenga okamwana molwongombe ndjoka yali inaa yi lala mo megumbo oshoshili, nonande a tindi kutya okanona ine ka tidhamo megumbo. 

“Shino onde shi ningi oshoka onda kala ndina omaipulo ogendji kutya pamwe okanona ina ka konga ongombe ndjoka, no nda kala te dhiladhila kutya pamwe oha kayi kuundingosho,” Abner ta ti.

Okanona oko, Tomas Abner, keli mondondo onti-9 posikola yaAmakali. Tomas ye mwene okwa ti kegumbo ita shuna ko we oshoka okwa tila a ka monithwe ishewe oshiponga shi vule shika.

Etitano okanona okali ka kongolola iimuna ngaashi ha keshi ningi shito. 

“Ashike sho kedhi eta moshigunda oka mono kutya yimwe ka yimo, oka lombwele he kutya ongombe yimwe ka yimo, he no kwali eka lombwele opo ke keyi konge esiku lya landula, oka li ka konga pomagumbo gopuushiinda naango geli popepi ashike ongombe ndjono ina yi dhumwa nande,” ta ku tiwa ngaaka.

Anuwa sho okamatyona haka sho ka mono kutya ongombe ka keyi wete oka li ka galukile kegumbo, noku penduka ishewe ta ke keyi konga ongula yOsoondaha ndjoka, oka li anuwa keyi mono ethimbo lyokomatango no kuyi eta koonkwawo kegumbo.  He yo kanona sho eya megumbo kongulohi oshoka okwali a zamo, okwa  pula ngele ongombe oya monika, naasho a lombwelwa kutya oya monika, anuwa okwa li a tameke okudhenga nokukokota okamwana haka kekutsi. 

Ta ku kundanekwa kutya okwali woo e ka lombwele opo ka kaa galukile mo we megumbo lye ko inaka enda mo we menkolo lye nonande okasi.  “Uusiku wOsoondaha mboka  sho Tomas a li a tidhwa megumbo kuhe noku dhengwa  ina galukilamo we, okwa li a yi niinima ye omolwaasho omatilitho ngoka a ningilwa kutya megumbo lyaantu ine ya mo we. Ngaashingeyi okuli owala megumbo lyopuushinda omo eli manga,” gumwe gwomaanamukunda ta ti ngaaka.

Mwene gwomukunda Amuteya tatekulu Vilho Kamanya, ina vula ku monika opo andola a popye ngele oshinima shika shi inyenge momukunda gwe okweshi uva. 

LEAVE A REPLY

Please enter your comment!
Please enter your name here