Fishman natango ota tula oongalo dhoshiNamibia pomuthika

0
170

Ku Pinehas Nakaziko

WINDHOEK-Onkulungu moongalo dho Shambo, Dancehall noKwaito, Salmon uulenga atseyika nawa nedhina koyendji Fishman keshi naana omulumentu gomahokololo ogendji, ashike ngele otashiya kembako, kuye elalakano oku tula ashike oongalo dhoshiNamibia pamuthika gwopombanda.

Nonando atseyikile ngaaka konyala koyendji onga aahikingalo mboka aashona mo2008, Fishman okwakala nokukambadhala sigo athiki pomuthika mpoka puna aahikingalo mboka aanene ngaashi ooThe Dogg naGazza.

Mongashingeyi okuli teshi enditha nawa nokangalo ke hoka keli moalubuma ye Ontintatu yedhina More Than Me. Ongakalo haka kaFishman kedhina Dance Hall In me oohoka kapiti pamwe nokavidio kako kuyele omvula ndjika nokeli oko kamana kandongo, unene tuu koYou Tube, NBC Tv nook One Africa Televition.

“Elalakano lyandje oku uvitha ashike aayambidhidhi yandje nawa noku hedhitha oshitalenti shandje pombanda,” Fishman tati. Enduuluko lyaFishman oomvula dhapiti oooka ali a imbi pamwe nuukadhona mboka wali watseyika nawa nedhina Gal Level manga inaawutopoka. 

Okwali ishewe a imbi pamwe nomuhikingalo omuZambia Petersen mokangalo Memories, hoka kali moalubuma yotango tayi ithanwa 24 Carat.

Oalubuma ye ontiyali Killer Love, oyali yomuyimwe ndjoka yaholika koyendji omolwa uunongo nuudhigini woongalo dha Fishman.

Omvula ndjika okwali apititha ne oalubuma ndjoka More Than Me, yali yina ehwata lyoongalo omulongo nahetatu (18). Fishman okwati ye otsatsikile nokulonga nuudhiginini ye itakashuna nande oshithi monima.

LEAVE A REPLY

Please enter your comment!
Please enter your name here