Naigambo na Tomas ya sindana po uudhano woPupkewitz Cross Country

0
187

KuShipi Elago

OSHAKATI – Beata Naigambo na Reinhold  Tomas oyo aasindani methigatahano lya  Pupkewitz Cross Country lyokumatuka iinano, ndyoka lyaliko ehuliloshiwike lyaziko mOshakati.

Beata Naigambo okwali a matuka oshinano 8km shaakadhona yomimvo dhopombanda muule woominute 31.27.96, omanga Rauna Lukas a li eya omutiyali nethimbo lyo 32.05.72. nopehala etitatu opweya Mwenyothapo Joseph nethimbo lyoominute 32.06.66.

Moshinano shaamati yomimvo dhopombanda sho 12km Reinhold Tomas okweshipondola okuthigapo yakwawo nokuthika muule woominute 39.31.32, Matheus Kadhingula okweya pehala etiyali muule woominute 40.12.01. Gabriel Shiimi okwa toolapo ehala etitatu moshinano sho 12km shaamati aakuluntu sho ali eshi matuka muule woominute 40.21.65

Aakadhona yomimvo dhopokati mboka yali yakutha ombinga muudhano wo Pupkewitz oya li yamatuka oshinano sho 6km moka Eunice Kanana eshipondola muule wominute 23.28.34, nokutoolapo ehala lyotango. Sylvia Shiove okwali eya pehala etiyali konima sho ali amatuka oshinano shika muule woominute 23.30.38, na Mwandingi Ester okweya pehala etitatu nethimbo lyoominute 23.45.06. Moshinano shaamati yomimvo dhopokati sho 8km Tomas Shigwedha okweshipondola okusindanapo oshinano shika nethimbo lyoominute  26.09.18, omanga Massag Namwele eya pehala etiyali nethimbo lyoominute 26.10.62.

Kornelius Nghilyeendele okwa toolapo ehala etitatu moshinano shika sho eshipondola muule wethimbo lyoominute 26.27.39. Uudhano mbuka hau kwashilipalekwa kehangano lyoPupkewitz wokomumvo owali wakwashilipalekwa noshimaliwa sho N$ 35 600, na owa li wanana aakalimo yomondoolopa yaShakati nokuya nyanyudha sho oyendji yali poompagidhila dhoondjila opo ya gandje omukumo kaamatuki.

LEAVE A REPLY

Please enter your comment!
Please enter your name here