Omalundululo gekotampango nopolitika yombiga

0
253

KuJoseph Diescho

Ethingo lyomuKiina otali ti ‘Kala nomwenyo momathimbo taga kumitha’ ngaka oge li putse ngashingeyi . Omawi ogendji moonkundathana kombinga yelundululo lyekotampango inaga panda. Ihe shoka tashi hili omuntu ooshoka kutya aantu oyendji itaya kondjitha omalunduluko ngoka , aawe yo oya hala elunduluko, shoka yaa uvite osho shoka kutya oshinima tashi lundululwa oshike naanaa.Otashi lundululwa okuza peni okuya peni nomalundululo ngaka otaga ningwa muuwanawa woolye. Osho shotango okuza kemanguluko pena omipopyo tadhi popi kutya opena omalalakano gaholama konima yelundululo lyekotampango naashika kashishi oshaanawa koshigwana shoka shili mondjila okuya komeho.

Oshifonkundana Insight Magazine, shimwe shomiikundaneki dhingi muAfrika pethimbo lyetu osha  gandja elondodho ‘Okuhomatekulula Uudemokoli:Olyo ethimbo tuna okukala nomaipulo. Nomaipulo lelalela. Aakalimo yomevi lyOmapenda otaya nongona noku ipopila ya tila okuuvika , oshoka opena sha shaali mondjila.

Ngashingeyi omusholondondo gwo 96 gwaaSWAPO mboka taya yi kOshigongi shOpashigwana  oshowo moKabinete ogwa tseyithwa. Ngele owe gu entamene omusholondondo nguka ogo ehoyakanitho lyaalumentu naakiintu mboka yena uunkundi ongaadhani mokino ndjoka yina ehokololo ewanawa. Ita shi tisha kutya omuntu oto popi ngiini nawa kombinga yomi 96 mbaka yongundu tayi pangele, nehangano ekondjelimanguluko ndyoka lya wilike opolitika ya Namibia sigo oompaka, ndele omusholondondo gwawo nguka itagu panditha. “Oshizemo shombiga yopolitika osho ‘potpouri yaayambidhi yo SWAPO inaa ya pya mboka ya pingenepo aawiliki aakulu mboka yena ongushu ndjoka yi shiwikilwe SWAPO’.  Omuntu oto vulu okupopya kutya iikulu otayi hulupo, ndele iipe inayi holoka natango shika otashi tu thigi moshipilili, twaashi kutya  oompaka nenge mpeyaka. 

Oshafa ongundu tayi pangele yi iningililemo sho inaayi tulapo omithika moshinima shuuwiliki meni lyayo. Opwa li pena okukala omithika dha tulwapo oshowo omikankailonga moka muna okupitila aantu mboka taya londo okuya momahala guuwiliki ngaashi iilyo yoParliamende nooMinista dhoKabinete.Shika okwa li tashi vulu okukwatha omukalo gwombiga, okukuthamo mboka ina ya adha natango pondondo yoku yakula oshigwana okushitalela pomuthika mpoka shika sheetwa koSWAPO meni lyoshilongo, moshitopolwa shoSADC, oshowo muuyuni. Kokutya okukala omukwaSwapo oshinima shimwe, ndele okuwilika osho ishewe epaya lya yooloka. Oshoka uuwiliki owa pumbwa oshindji kakele ashike kokukala omuyambidhidhi omwiinekelwa gwongundu tayi pangele nenge omuyambidhidhi ngoka ihaa popyapopya miigongi.Okuninga oshilyo shoParliamende nenge Ominista yoKabinete moNamibia owa pumbwa euveko oshowo okupandula  kombinga yomuthika mpoka oshilongo shi li kombinga yongushu yasho, iishonekwalongwa yasho oshowo iilalakanenwa yopashigwana yasho, kakele kokulandula omautho gongundu oshowo okuzala omalwala gondungu shampa wa taalelwa nenge wa tsakanekwa kuushongo wanathangwa.

 Namibia okuna ilalakanenwa ye pashigwana, mbyoka iinene yi vule uuwanawa wongundu yopolitika, mbyoka a hala okwaadha methimbo efupi, lyopokati oshowo methimbo ele. Osha fa ongundu ndjoka yuuka koParliamende yina aantu mboka taya ka kala ya tegelela okulombwelwa shoka yena okuninga, okupopya naampoka yena okushipopila.Shika ita ye shi pelwa ombedhi oshoka inaya longwapo okuuvako muule naandika kalishi epuko lyawo. Ina ya longwa okuuvako muule okutseya oompumbwe dhoshigwana.”No itaatu dhini aawiliki aape mbaka, oyendji yomuyo oya longwapo shagwana okupopya omaigidho goSWAPO pethimbo lyoopala, ndele kayena ontseyo yiinenenima mbyoka ya guma Namibia muuyuni nena,” Okuya pa oshinakugwanithwa shewiliko inashi gwana, oshoka osha li sha pumbiwa opo shi ze muule wongundu opo ewiliko lyawo li kale lyakola. Molwashoka kapwali omuthika guuthwa ngoka guna okulandulwa meuliko lyaaulikwa mboka, shoka oshipu sha longithwa osho uukashike waantu mbaka. Shika osha nika oshiponga naahwahwameki yuuthikepamwe waalumentu naakiintu oya mbilihapaleke opolitika ngaaka kutya oshilongo osha kanitha uuwanawa wongushu yaawiliki. 

Omuthika gwonawa guudha ongushu ngele ando ogo gwali gwa longithwa nguka andola ogwa gandja ompito kaantu opo ya londe miikolo okuya pombanda muuwiliki. Pamukalo nguka omulandu gwoku ya muuwiliki otagu ivalulula noku iningulula aluhe mondjila ompe yiinima iipe noshowo yina ehwamo epe. Shika hasho tu wete tashi ningwa pethimbo ndika mpoka oshigwana sha pumbwa aawiliki yeli hwepo.

 Ngele omuntu owa pula pula aantu momapandaanda shaampoka moNamibia oyendji yomwaambaka otaya ka popya sha tashi kondjitha omalunduluko ngoka taga ningwa pethimbo ndika. Ngashingeyi oyendji oya manenamo SWAPO omeho ,nguka oye omugameni gwaNamibia nena ngaashi lya thikamapo. Antu oyendji otaya ipuku komitse uuna taya tala shoka tashi ningwapo ngashingeyi pethimbo ndika.Mokati koongundu adhihe aantu oya li ya tegelela oshindji okuza koSWAPO kombinga yaawiliki yongushu ongo omukalo gwoku inyenga okuza mepipi limwe lyaawiliki okuya mepipi epe. Ihe shoka ya tala oshafa ei yugununo lyoSWAPO  ndyoka tali fala sigo oompoka kutya SWAPO ita ka vula okudhimbululwa. Shika oshi li ngaaka oshoka aantu otaya dhiladhila kutya okangundu ashike komwaalu omushona hoka kiikuthile uuthemba wokulonga pehala lyawo. Oshinima shika ohashi monika olundji muAfrika moka aanapolitika yeli mopolitika omolwuuwanawa wayo yene. Olundji aanapolitika mbaka ohaya popi kutya oya pewa uuthemba okuwilika noku etapo omalunduluko ngaashi oonaku ya hogolola ye ya pe uuthemba mboka. Shika omathimbo gamwe ohashi fala momakuyunguto. “Omanga tuna okukotoka twaa kale mboka tatu halutha, katuna wo okudhina omainyengo  nokwaanombili, osho okuuva nayi , uutile nokwaanyanyukwa hoka kwetu kundukidha,’.  

Osha pumbiwa opo tu pulakene komangungutulo goshigwana ongo elondodho nongo  oshitopolwa shokukoleka uudemokoli mondjila yokutunga oshigwana. 

Omalundululo gekotampango oga pita nonando kapena etsokumwe pokati koongundu dhopolitika ndhoka dha kalelwapo mOshigongi shOpashigwana oshowo oshigwana oshihogololi kombinga onkwawo. 

Kapena uumbangi kutya aakwashigwana okwa li ya kundathanwa nayo moshinima shika. “Osha  fa ongundu tayi pangele ya kundathana noongundu dhompilameno ndhoka inaadhi thikitha etumwalaka ndyoka koshigwana opo shika shi kuthe ombinga,”

Oonkundathana odha fa dha li tadhi tsikile. Nuuna tashi talelwa monkalo yombili nengungumano shika otashi etitha omaipulo ogendji. Otwa ilongo mo shike mwaashika. Otu uvite aakwashigwana taya ti ngele omalundululo gekotampango oga etwapo nena ngaka na gakale taga ningwa muuwanawa waantu ayehe  ndele ha muuwanawa ashike waantu yomwaalu omushona.Oshigwana otashi pula aawiliki yasho omapulo  kombinga yomalunduluko ngaka, nkene taga gumu onkalamwenyo yawo oku yi ukitha muuwanawa. Otaya pula kutya uuna ngaka ga ningwa otashi nenepeke ngiini omwaalu gwaawiliki, aayakuli yawo niiyenditho yawo , okuza kiihauto, aagameni yawo,  omagumbo ga gamenwa oshowo omwaalu omunene gwokufuta oondjambi dhaawiliki mbaka, naayihe mbika otayi hwepopeke ngiini onkalamwenyo yoshigwana noyaakwashigwana oohandimwe. Pethimbo iipangelo ya kulupa, okapale okanene koondhila oka ninga esithahoni, elongo otali shongola, aanona yosikola otaya si ondjala, ongushu yaalongisikola oya nkundipala esiku kehe oshowo aapolisi naakwiita itaya futwa shithike piilonga yawo. Epulo oondyoka omalunduluko ngaka otaga etapo uuwanawa wa shike kaantu yowala nenge otaga hwepopeke ngiini onkalamwenyo yaantu.Oku tulapo aawiliki ayehe mbaka opamwe nokabinete kena oominista dhili 25 oshowo aapeviminista yawo, gwedhako oohamushanga taya kalele, ashihe shika okuhwepopeka onkalo yaantu ye li ashike kombanda yoomiliona mbali. 

Efatululo tali uvikako oondyoka kutya ngele andola oshigwana osha koko momwalu uule womimvo omilongo mbali 25 dha piti  opo pu pumbiwe enenepalo lyaawiliki yopapolitika  ndika. 

 Opweya omalunduluko molwashoka oshigwana osha tonata na otashi konene unene nena okuyeleka monakuziwa. (b) oshigwana osha tegelela oshindji unene tuu shoka oshigundjuka naashoka shaakiintu.Opolitika itayi popi we ashike ekondjelomanguluko  nokutanga omapendafule ageke gaza kombanda.Moshilongo omweya wo oongundu dhoompilameno ndhoka dha holokapo oku kondjitha SWAPO nonando ndhika odha fa inaadhi ndjambula sha oshoka SWAPO okwa kola nena okuyeleka nomumvo 1989 mehogololo lyotango.Opena omupopyo tagu ti ngele inashi teka inoshi pangela. Pethimbo ndika aakwaSWAPO yuuswapo itaawu teka ombunda otaya ti  omalunduluko ngaka oga fa taga ningi SWAPO a fa keena ko nasha nonkalo yaantu yowala a fa uuka mondjila yAfrika moka aawiliki haya idhiladhila yoyene tango komeho guuwanawa waantu mboka oyo ye ya tula kiipundi moku ya hogolola ongo aakalelipo yawo mewiliko lyoshilongo noonzo dhasho. 

LEAVE A REPLY

Please enter your comment!
Please enter your name here