Omapenda gaShikuku gadhimbulukiwa

0
150

KuLoide Jason 

OSHIKUKU – Ominista yIinima yopondje Netumbo Nandi-Ndaitwah okwa indile opo aagundjuka mboka yeli kohi yoomvula 18 ya kale ya sa oshimpwiyu kutya oya ishangitha uukalata womahogololo molweetho nduka lwahugunina.

 Minista nguka okwali ta popitha aakalimo yomOshikuku sho ya li taya dhimbuluka esiku lyomapendafule mOlyomakaya ga piti.

Olweetho lwahugunina lwokwiishangitha omahogololo nuumvo olwa tameke Omaandaha goshiwike shika na otalu ka hulila momasiku 20 gomweedhi nguka.

Oshoka omahogololo gopaupresidente otaga ka kala ko nuumvo momwedhi Novemba.

Ndaitwah okwa lombwele aagundjuka naamboka woo yeli moomvula dhokwiishangitha kutya naya kale ya ilongekidha opo ya ka iipe oombedhi omashango sho ga hulu.

“Ilongekidhila omahogololo ino kala gumwe gwomwaamboka ya ikalekelwa  ngoye wu ka ipe oombedhi konima. 

Ngele wa hogolola oto gandja oonkondo komuntu ngoka toka hogolola opo a kale ena uuthemba wokutsikila okukulela,” Ndaitwah ati.

Okwa kumagidha woo aakuluntu opo ya hulithepo oku tuma uunona ootombo kuundingosho tati kutya ohashihongaidha uunona opo wukale hawu yi kokefe.

Okwa ti kutya uunona nawu putudhwe pamuthika gwesimaneko lyomapendafule ngoka ga kondjela emanguluko oshoka emanguluko ndyoka olyaza puudhigu na kashali oshipu.

“Aakuluntu omolwashike tuna okweethela aanona pokefe yeli meni lyoomvula 18 tse twa tseya naanaa kutya oveta yoshilongo otayi ti kutya uunona wuli kohi yoomvula 18 inau nwa iikolitha?”  Minista osho a pula ngaaka.

Okwa ti uunona nawu kale tawu vulika kaakuluntu ashike inawu pitika nande nande okutumwa iikolitha koondingosho.

Okwa kumagidha woo aanyasha ya pulakene kaakuluntu oshoka aniwa nande omukuluntu a kale ngaa ina longwa ka kuna nande esiku limwe omugundjuka a kale ena oondunge evule omukuluntu.

Okwa ti aagundjuka naanona oyo oshigwana shokomongula na ohasheehama unene ngele omuntu okwa mono okaana okashona ka tumwa omakaya tati kutya ompito yaandjuka opo yili okanona hoka ka hileko ke kaya ndyoka ka tumwa, na ota indile shi mone ehulilo meendelelelo.

LEAVE A REPLY

Please enter your comment!
Please enter your name here