Omuhikingalo omushona Henny Jive

0
296

KuPinehas Nakaziko

WINDHOEK – Omuhikingalo a tseyika nawa nedhina lye lyoku imba oongalo Henny Jive oye gumwe gwoomahikingalo yoomvula ooshona mboka taye shi enditha nawa moshimpungu shoku imba oongalo moshilongo.

Ngashingeyi okuli apititha okangalo ke kamwe kotango taka ithanwa Coming through kamwe komuungalo we mboka tawu ka kala moalubuma ye yotango ndjono a thaneka yi kapite okuuka pehulilo lyomumvo nguka no tayi ka ithanwa Rock of Ages.

Oalubuma ndjika otayi ka kala yina uungalo wa adha pomulongo nasha.

Molwaasho omunwe gumwe ihagu itompola ona, Henny Jive moalubuma ye okwa longa pamwe naahikingalo ooyakwawo ngaashi Blacksheep, Nosholola naya kwawo oyendji unene mba opo tayeya mehangano lyoongalo.

Omvalele yaShakati ye omukalimo gomOtjiwarongo okwa ti oongalo okwe dhi tameke nale lela no natango otapula komeho pwaaana okushuna monima.

Ngashingeyi okuli a kwatitha okavideo kuungalo we uyali naashino okwe shiningi opo aayambidhidhi ye yakale ngaa taya nyanyudhwa kuwo manga oalubuma onene ndjoka yuudhapo ta yi longekidhwa.

Ngaashi naanaa aahikingalo oyendji haya kala yahala elongelokumwe pokati kawo noombushe miilonga, Henny Jive naye ota indile wo nokudhenga omuthindo kaahikingalo yaNamibia yakale yena elongelo kumwe lyakwata miiti opo oongalo dhaaNamibia dhi ye pamuthika gopombanda muuyuni.

LEAVE A REPLY

Please enter your comment!
Please enter your name here