Omulongisikola iikutha omwenyo sho a ethwa komukadhona

0
196

KuLoide Jason 

OSHAKATI-Aakuluntu otaya indile opo aagundjuka yaNamibia yakele ko kule nomaso gomaimangeleko nomadhipagathano ashike naya kale yiihole yo yene shivulithe ookuume kawo kopaihole aniwa naya kale yena etilo Kalunga.

Shika osheya nee sho omulumentu omugundjaka gwomimvo 33 Jonas Katoole athigi aakuluntu ye pomutenya sho  iimangeleke oshoka aniwa okwa ethwa komukadhona gwe ngoka a li ehole nomwenyo aguhe. Jonas okwa li a ikutha omwenyo mOmaandaha goshiwike shika na okwa li a thigipo okambapila taka hokolola kutya omukadhona nguka oye osheetithi sheso ndika. Omulumentu nguka aniwa okwali woo a popiwa naye kuyina nayinagona mboka yemu adha nokambapila kashangwa “I am Exhausted” ndele teka ekelehi sho a kumagidhwa.

Aniwa okuza mpoka okwa tokola nee opo aye kegumbo lye kOndangwa hoka a kala ta hiila sho tayi a ka longe osikola. Mpoka nduno yina keshi kutya Jonas osha ka enda ngiini opo aye kondunda yomukadhona gwe hoka ete mu adhamo nomuholike gwe omupe sigo ta lwitha omukulukadhona gwe ngoka ena naye okanona kokamati kena oomvula ndatu.

Konima yolugodhi nomumati nguka ngoka ali omulongisikola okwa lombwele omukulukadhona gwe naangoka emu hangukununa  kutya oteki imangeleka na kapuna ngoka a landulako a pulakene kutya oshike shaholoka po.

Ngashingeyi yina yanakusa okwati kutya mboka ya uvu kutya nakusa okwati otaka imangeleka oshike nee inaya dhengela opolise opo a wape okumangwapo yo yande eso lyoludhi ndoka?

Aalongi pamwe nanakusa mboka yali ookuume ke oya ti kutya nakusa aniwa okwa adhika ta gongele iimaliwa opo a hokane omukiintu gwe nguka a kala asimaneka na okwa kala eli uuvite uugumbo mohole ewete agwana apwa.

Oyati woo kutya aniwa oya haluthwa uunene koshinima shika na kaya li yewete tashi vulu okuhulila meso

Shiikololela nee kuuyelele mboka wa gandjwa kuyina ya nakusa aniwa nakusa ngoka okwa li adhengele yina ongodhi metitano 29 August ta lili ndele yina temu lombwele opo a thike kegumbo yo ya wape oku kundathana nawa.

Yina Sophia Katoole okwa lombwele Kundana kutya  sho omwanamati eya kegumbo okwe mu lombwele kutya meme okwali ndishi ongaye tandi ku fumvike ashike ngashingeyi ota peya ongoye wu ka fumvikendje tango oshoka omukadhona gwandje ina hala ndje we.

“Okwati omukadhona gwandje ina hala ndje we, ngame otandi mu pula kutya oshike ihe okwati nandi mu pule yemwene, sho nda dhengele komukadhona hoka okwa yamukulandje a ti: ‘Meme kapuna omukiintu a hala okuhokanwa komukatalume, Jonas omukatalume oshoka iha landa oohauto dhina uukolele oha landa ashike iikwakwa, ye ina landa egumbo nomolwaashoka inandi mu hala oshoka kehe ethimbo tatu zipo ohatu shingwa ashike kookaume ke,” osho Katoole a ti ngaaka a nika oluhodhi oshoka oshikumithi.

Kundana okwa lombwelwa woo kutya aniwa yina okwa kumagidha Jonas ngoka ali itaale kutya na tsikile nonkalamwenyo ye eta idhidhimikile onkalo ya tya ngaaka.

Jonas okwali a ikutha omwenyo mOmaandaha goshiwike shika na okwali a thigipo okambapila taka hokolola kutya omukadhona nguka oye osheetithi sheso ndika.

Kundana sho a dhengele omukulukadhona gwaJonas okwa ti kutya keli monkalo yokupopya moshinima shoka oshoka naye woo okwa haluka ngaashi ashike kehe gumwe a haluka.

Omukadhona nguka omulongisikola ita vulu okutumbulwa kedhina molwegameno lyuukwatya we okwa ti kutya ye ita ti kosha na ngele Kundana okwa hala uuyelele wa gwedhwapo na dhengele omupopiliko gwe gwopaveta. Omulilisa Helina Kalenda okwa kumagidha aagundjuka opo yakale kokule nomaso goludhi ndoka ta ti kutya naya kale yi ihole yo yene shivulithe ookuume kawo kopahole.

Omupopilikogwopolisi mOshana, Thomas Iyambo okwa koleke oshiningwanima shika tati kutya aniwa nakusa okwa thigapo oka mbapila okashona hoka taka ti kutya okwa uva nayi sho a hanga omukulukadhona gwe nomulumentu gumwe.

LEAVE A REPLY

Please enter your comment!
Please enter your name here