Oniipa nOnethindi tayi ka ninga ondoolopa yimwe

0
227

KuMaria Namupala

ONIIPA – Elelo lyaOshikoto olya dhiladhila opo Oniipa nOnethindi yi ningwe ondoolopa yimwe, ha yi ithanwa Oniipa, nonkene Oshikoto osha li sha longekidha oshigongi showina naakalimo yopomudhingoloko yo ye ya tseyithile shoka shi li po. 

Max Nekongo okwati ethaneko ndino oyeli tula miilonga niilonga otayi ka kala ya yamo mbala petameko lyomumvo ta guya. “Aantu yetu oya kala nale taya pula Oniipa yi kale pamuthika gondoolopa, otwa uvu omakemo gawo no twe ga yamukula, otwali twa ningi oshigongi na  Charles Namholo ngono naye a taambako ehiyo lyetu no kwa zimina opo Oniipa yi ninge ondoolopa,” Nekongo ta popi nga Metitatu lya piti sho a li a tsakanene naakalimo yomOniipa. 

Nekongo ngono eli omunashipundi gwelelo lyaShikoto okwali a indile aakalimo yomomudhingoloko nguka opo ya longele kumwe mehumithokomeho lyOniipa, yo ya yande okutunga momahala ngoka taga ka yambulwapo, tati mboka taya tungu shaali paveta naya kambadhale yi iyuthe koompango ndhoka dha tulwapo. Okwa thanekwa opo ondoolopa ndjika yOniipa yi kale tayi ilele yo yene ngaashi oondoolopa oonkwawo.

“ Shino oshili onkatu onene mehumokomeho moshitopolwa ashihe shaShikoto, no twa hala opo iilonga mbika yokupendulapo Oniipa kaa yi yiwe nande moshipala oshoka oshina uuwanawa owundji koshigwana,” Nekongo ta gwedha po ngaaka.

Elelolo ndika olya tameka nale okutunga mpoka tali vulu manga, Omasiku ga ziko okwali mwa tulwa omalamba ngono geli mondjila onene (B1) Ondangwa-Onethindi. Kansela Nekongo tati oyi itsakidhila noku ninga omapandaanda, no ku andjaneka omeya, oshowo ya fula omalambo gonyata. Minista Charles Namholo okwali a indile elelo ndika opo li tunge manga taya tameke no extension 1, ya gandje omayakulo gomeya, tati omahogololo gelelo lyondoolopa ndjika ya Niipa otaga ka kalako omumvo taguya.

Aakwashigwana mokuuva ndhika oyali ya nyanyukwa, oshoka oya kala nale ya hala opo Oniipa yi ninge ondoolopa yi ithikamena ku yo yene, no ye wete kutya omakemo nomapulo gawo  inaga  ya momakutsi ga thita.

Armas Amukoto ngo eli kansela goshikandjohogololo Omuthiya okwati elalakano lyoshigongi oku galukila moshigwana no ku shipa omayamukulo, konima sho pwali pwa ningwa enenedhiladhilo opo Oniipa yi tungwe no yi kale pomuthika gondoolopa. “Otweya nena mpaka okugandja uuyelele omolwa etulululwahala ndyoka hali ithanwa Onethindi-Oniipa, no ku muyelithila nkene twaya nasho komeho shedhiladhilo lyokupendulapo oshitopolwa shika, elalakano lyetu otwa hala mu tupe omayele ne tamu gwedhapo uuna sha pumbiwa opo tu kwatheleni nokuhumithakomeho ehala ndika opo li kale pamuthika gondoolopa,” Amukoto ta ti.

Nekongo okwali a tumbula kutya oya li ya ningi ethaneko lyopetameko, no ye li eta kaakwashigwa yo ya tale nokuuva kutya omadhiladhilo gokuhumithakomeho Oniipa ogeli we nago sigo openi.

LEAVE A REPLY

Please enter your comment!
Please enter your name here