Ovandiikela otava kondjele edu letu

0
189

KuHelvy Shaanika 

ONGHA – Ovakalimo vomumukunda Epalala ova udifwa nai komukalo oo vati tave li humbatelwa kovakalimo novaleli vopomukunda wopoushiinda shavo, noshoyo Elenga olo li li omunashipundi woshipundi Ondiihaluka.  

Omaandaxa oshivike eshi, ovakalimo vomEpalala, novo mOndiikela ova ongala momwandi uli lwopeengaba domikunda odo mbali sha etifwa eshi onghendabala yokutula odalate komapya avamwe vomEpalala ya iwa moshipala kelelo lomukunda waNdiikela. Ovanamumbo vamwe mEpalala, tava yambididwa kelelo lomukunda wavo nokovanamukunda vakwao otava ti ova iwa moshipala opo va tule eedalate komakove avo, kOvandiikela shaashi vati oshitukulwa shimwe osho va didilika onga omakove avo oshi li moshana. Ovandiikela otava ti oshana osho, oshi li onhele yaaveshe.  Oshana osho oshili pokati komikunda odo mbali nomingenge domapya oo oda twa moshana. 

Ashike oovene vomapya aa otava ti vo ova hala shike okutenda ko onhele opo va kala hava limi eedula dihapu da pita. Tava ti vo kave na elalakano va hala okutula oshana momakove avo, ile okupata eendjila ngaashi tava lundilwa kovaNdiikela. 

Umwe womovanamukunda ovo ve heudite ombili Martha Ipinge omukulukadi waDavid Kudulu ota hokola kutya lwomomwedi Juli, voo nomusamane waye, nosho yo mushiinda shavo oo naye eva pamba ova li va tokola opo ngeno va tule omakove avo meedalate, mwa kwatelwa limwe lomukulupe oo naye eli omushivikile wavo.

Ipinge ta hokolola kutya ediladilo eli ove li shivifila mwene womukunda wavo Moses Ndatumonghoshi Shikesho oo a itavela nokwe va ulikila apa pe na okuenda ongaba yomakove avo.

Omaumbo oo atatu, oo amwe omomaumbo atano, eli mekove limwe olo la li lomusamane wedina Kakweno oo a li omupambele wavo oo e uya po modula yo 1968, nowa kala ha limi epya laye fiyo opapa vo va hala okutula eedalate davo. 

Shaashi omaumbo oo a tatu, laKudulu, Fillemon Nambele nomukulupe Sylvia Kandjibi okwa pala meengaba domikunda mbaali, Ipinge nomukadi vati ova shivifila yo Jason  Kombada oo eli omukalelipo wamwene womukunda Ondiikela, ashike Kombada ine va pa enyamukulo la yela.

“Efiku ngaho ovamati va tameka okufa omalambo va dike po eepala, olo ngaho efiku tate Kombada a tameka okunyenyeta,” Ipinge ta hokolola.

Eshi osha twala fiyo oponghatu opo eshi ouyelele ou wakafika kOmunashipundi woshipundi Ondiihaluka Josef Kamati, oo a ka kaleka oilonga yoo Ipinge novashiinda shaye, manga vati omukundu oo ta u potokononwa.

Ovanamukunda ava tava hokolola kutya ove udite tava fininikwa nokuliwa oshipungo ku Kamati shaashi nonande ewete omadidiliko oimnhungu opo pa kala hapa limwa nale natango ota ulike ashike aama kOvandiikela.

“Poima apa ame onde uya po mo1980. Ndee nghee twa kala oha tu limi fiyo opapa. Otwe li xula ashike okulima po eedula edi eshi efindja leya shaashi oha tu ningi ngoo eshi twa lima yoo oilya ota ii koshi yomeva,” Evelina Kalamba ta ti ye ta ulike oimhungu ovo ta i hale okudimwa po filufilu komakungulukilo omeva.

“Omusamane tate Nghitumungobe [Josef Kamati] ota keli nawa ota piyaaneke oshiwana. Epya eli olikulu, kulu. Onhele ei oya yandjwa kutate  yoo vali ova metwa nokovanambelewa vouminiteli womadu. Ame naame oveta ondiiishi,” mwene womukunda Epalala oo e li teeka momutumba ta lombwele Kundana.

Kamati pauyemwene okwa ti ye keli olwaama mbinga, nomolwaashi ye nomalenga omikunda odo ta lale va ongela ovanamikunda vomOndiikela nEpalala opo a ude eembinga adishe vo va shive okuninga etokolo.

“Oshinima eshi shi li apa kashi fi ovanamikunda ile ovanaumbo veli taalela ashike oovene vomikunda mbali veli taalela. Ashike oveta yomadu yovaleli vopamifyuululwakalo yomo 2005 (5) ota i ti kapena ou ta pate ondjila hai pitwa ile omwandi uli medu laaveshe. Oveta oye shi yeleka.

“Fye ina tu tokola po sha otwe va pa ashike omhito opo eembinga adishe mbali di hokolole doo di pwilikinwe. Ohatu ka ongala vali olutivali, ashike ita tu ka efa omikunda di mangelwa kumwe keedalate, nghee sha kala iha shi ningwa,” Kamati ta ti. 

Caption:

1.

2. 

LEAVE A REPLY

Please enter your comment!
Please enter your name here