Uudhano wokutunga omalutu monooli

0
256

KuShipi Elago

ONGWEDIVA – Stefanus Shikongo oye enyakwa lyuudhano waamboka yatunga nawa omalutu gawo pamadhewo, mboka waliko ehuuliloshiwike lyaziko mOngwediva.

Stefanus Shikongo okwali a tothwamo kaagandji yiitsa ongo omudhani dhingi methigathano alihe shono shemu etitha opo aninge omusindani dhingi mopka atoolapo ombandi yoshngoli  ekopi, nuukwashilyo woGym wuule womvula yimwe.

Moshiviha sho light Weight 60-69kg Bethold Uupindi oye aningi omusindani omupe ta landulwa ku Johanes Stefanus.

Moshiviha sho Middle Weight 70-79kg Hedison Nghipondoka oye omusindani omupe nomutiyali gwe, Yuyi  Obert  Modise.

Shuan Stuart oye omusindani goshiviha sho Light heavy Weight 80-89 nomutiyali gwe Skadit Paulus.

Moshiviha shaakokele yeli pomimvo 50 okuya pombanda Simeon Angula oye omusindani omupe nomutiyali gwe Dr Natha Uzoho.

Moshipopiwa she ngono eli thimba yina ongodhi mewiliko lyo YAP Gym, Eneas Nampala okwa ti” okutunga omalutu pamadhewo oshili sha simana pankalamwenyo yomuntu , na otash ilelepeke onkalomwenyo yomuntu.

Okwa ti oshigwana ha shiningi omadhewo otashikala kokule nomavu na omadhewo otaga kuthapo ethimbo halilongithwa koyendji okulongitha iingangamithi niikolitha tati naashika otash igandja ompito opo kutungwe oshilongo.

Ota indile aaNamibia ayehe opo yatameke okutungapo omalutu gawo pamadhewo opo kuyandwe omikithi hadhi etithwa kiiviha yapitililia.

Ndhika Nampala okwedhipopila poshituthi shokuulika mboka yatunga nawa omalutu gawo palutu ongulohi yetihamana moshinyanga sho Hifikepunye Pohamba mOngwediva.

Konyala omalume 45 gatunga nawa omalutu gawo pamadhewo ogali gakutha ombinga methigathano ndika lyali lyakutha konyala oowili ne.

LEAVE A REPLY

Please enter your comment!
Please enter your name here