Uudhano wombokisa moKatutura omwedhi tuuka

0
193

KuOtniel Hembapu

WINDHOEK – Osikola noshiukithilo shaadhengingonyo shaNestor Sushine Tobias Boxing and Fitness Academy  osha longekidha uudhano wombokisa ombwaanawa ngaashi hali shiningi shito petameko lyomwedhi tuuka.

Uudhano mbuka otawu kadhanenwa poKatutura Independence Arena momasiku gane ga Kotoba nuumvo.  Uudhano wedhina ‘The Final Punch To The World Title’ Boxing Bonanza, otawu ka kala wuna aadhengingonyo ngaashi Paulus ‘The Hitman’ Moses, Vikapita ‘Beastmaster’ Meroro, Tyson Ushona na Wilbeforce ‘Black Mamba’ Shihepo, oku tumbulapo ashike yamwepo yomwaamboka ya tegelelwa okuka dhenga dhakahandja ongulohi ndjoka. 

Uudhano uunene wongulohi ndjoka oomboka wa  The Hitman Moses, taka gamena oshishani she sholutu lwoongonyo muuyuni lwedhina World Boxing Organisation (WBO) International Lightweight komukondjithi gwe Josenilson Dos Santos a za koBrazil, nduka olwa tegelelwa lu ka kale lwa kindja pokati kaadhengingonyo mbaka yaali.

Olugodhi talu yambidhidha nduka oondoka lwa Tyson Ushona, ngoka ta ka kondja nomukondjithi gwe omuArgentina mondjundo yo International Welterweight . 

Omukondjithi gwe oye  Dario Pucheta  naanduka otalu kondjwa momadhingoloko geli omul9ongo. 

Omanga  Vikapita Meroro,otaka palamena omukondjithi gwe wo aza koArgentina gwedhina Franco Raul Sanchez,naanduka olwa tegelelwa lu kakale itaalu nuwa meya, oshoka Meroro okwa hala okusindana mondjundo ndjoka meni lyethimbo efupi ndele haku lu sndana niitsa.  

Wilbeforce Shihepo kombinga ye otaka kondja nomukondjithi gwe goko  Zimbabwe, Tineyi Maridzo mondjundo yo International Light heavyweight uule womadhingoloko gahetatu ye Sacky ‘Izinyoka ‘ Shikukutu ota palamene wo omuZimbabwe  Lawrence Moyo momadhingoloko gahetatu mondjundo yo International Welterweight. 

LEAVE A REPLY

Please enter your comment!
Please enter your name here