Aalongwa yondondo 10 pOnamutene ya kumikwa yiilongekidhile ekonakono nawa

0
202

 

ONAMUTENE – Ngaashi shili omukalondjigilile okulongekidha nokusoshimpwiyu aanaskola yondondo n10 pethimbo lyekonakono, omukuluntusikola pOnamutene Combined School pamwe nelelonongelo oshowo aalongi oyali ya gongaleke aanaskola yondondo ndjoka osho wo aavali yawo opo ya ikunde shina sha naalongwa yawo mboka.

Oshigongi shino oshali shaningwa momasiku 16 September posikola Onamutene, moshitopolwa Oshikoto.

Omukuluntusikola Pius Amutenya pamwe naalongisikola oyali yaningi oshigongi shika sho yamono kemanya itaaku zi ontsi sho ya kala noku hulithapo efaulo lyaalongwa yomondondo oyo tuu ndjoka, unene pethimbo ndika ya taalela ekonakono lyawo lyahugunina lyokomumvo.  

Aalongwa oya konekiwa ya kala noku faula okuza pu yane kuuka puyatano lwaampoka konyala mesiku nomatompelo ngano gokutya yo oyamana nenge oyeli pokumana.  

Shino oshi li wo omukundu omunene meilongekidho lyawo lyekonakono.  Aalongwa oyali yapopiwa nayo pamwe naakuluntu yawo nkene shika eshongo enene keilongekidho lyawo lyekonaakono. Moshigongi omwali mwapopiwa ngeyi kutya pethimbo aalongwa taya shanga omakonaakono gawo otaya ka kala yena ethimbo lyeilongo konima yokushanga, osho wo momasiku ngoka itaya shanga otaya pumbiwa koskola oshoka nuumvo itaya yungu ontanda ngaashi yakala haya ningi omimvo dhapiti.

 Shino otashi yape woo ompito ombwaanawa opo ya kale taya pukululathana nokulonga pamwe naalongi yawo osho wo aanaskola ooyakwawo. 

“Otwa kala tatu longo nuudhiginini momukokomoko gomumvo, mono aalongi pamwe nangaye yoondondo adhihe taya ulike yena ohokwe neitulomo okuupika aalongwa yetu, otandi halele wo elago likale naalongwa yondondo ontimulongo yoposkola yetu osho wo pooskola dhopuushinda nodho moshilongo ashihe omolwa omakonakono gawo gondondo ontimulongo, iilongeni neitulomo oshoka one aaleli yetu yokomongula ngaashi gonale ati waana mutanda kuna ngombe” Omukuluntu sikola Amutenya tati.

 

LEAVE A REPLY

Please enter your comment!
Please enter your name here