Aanona yeli 31 yasi omeya mOmusati

0
281

 

ONGWEDIVA – Opolisi moshitopolwa Omusati oya indile nokukumagidha aakuluntu opo yaa ha tume aanona aashona okukateka omeya komithima nokomikanka oyo ayeke.

Eindilo ndika olya ningwa kopolisi konima sho omunona gwomimvo hetatu a si omeya sho a gwile mokandombe omanga ta teke omeya pamwe naanona yepipi lye. Oshiningwanima shika osha ningilwa pomukunda Ohandungu moshikandjohogololo Anamulenge moshitopolwa Omusati.

Omupopiliko gwopolisi mOmusati, Warrant Officer Lineekela Shikongo ngoka a koleke oshinima shika okwa ti oomwenyo odhindji odha kana omolwa omaso momeyawho. Onkene opolisi otayi indile opo aakuluntu ya kale ya kotoka  uuna taya tumu aanona aashona ya ka tale omeya komithima. Okwa ti aanona  inaya tumwa oyo ayeke komadhiya gomeya.

“Ngele oto tumu omunona a ka teke omeya, omunona ngoka naye pamwe nomukuluntu opo yeende pamwe okuka tala omeya,” Shikongo a kumagidha.

Okwa hokololwa kutya omunona ngoka asi omeya okwa li na yakwawo yepipilye pethimbo lyoshiponga shoka sho sha holoka. Konima yaashika aanona yakwawo oya tondokele kegumbo noku ithana aakuluntu mboka ye ya mbala noku kuthamo omunona ngoka. Okwa falwa koshipangelo sha Outapi, moka apiti nokutuminwa kOshakati.

Ndafimana  Emvula okwa hulithile mondjila okuya koshipangelo kOshakati. Eso lye olyeeta omwaalu gwaamboka ya sa omeya mOmusati paantu omilongo 31.

Mokati kaambaka omuna omunona gwoomwedhi omugoyi oshoowo omukulupe gwomimvo 86. 

Caption (Pic: Water Drowning.jpg): 

 

LEAVE A REPLY

Please enter your comment!
Please enter your name here