BoN a zimine elongitho lyoKwanza moNamibia

0
197

 

WINDHOEK – Oshikondo shoongeshefa osha taambako nawa etseyitho kombinga yeuvathano ndyoka tali ka kolekwa mbala. Ndika otali ka pitika aalandi yAngola opo ya lande iinima yawo moNamibia niimaliwa yaandjawo ano ooKwanza oshowo aalandi yaNamibia ya vule okulanda iinima moAngola noodola dha Namibia.Ndele euvathano ndika olina ashike oonkondo na otali longo ashike poondoolopa dhokoongamba pOshikango noshowo poSanta Clara, pahapu dhOmbaanga ya Namibia.

“Oshinima shika otwa kala tatu shi kondjele uule womimvo ntano dhapitipo. Shika osho eyokomeho enene kombinga yomalandithilo nAngola,’ pahapu dhOmunambelewa pitithi gwEhangano lyiipindi nOofabulika lyaNamibia, Tarah Shaanika, ngoka uulike enyanyu omolwoshinima shika. 

Amushanga takalele gwopevi nale mOshikondo shIipindi nOmipepo, Daniel Nghidinwa naye okwa li a nyanyukwa okuuva onkundana ndjika, sho a popi paumwene kombinga yepulo kutya oku uvitile etseyitho ndika ngiini. Nghindinwa oye Amushanga takalele mOshikondo shOmalelelo giitopolwa, Iilando, Omagumbo oshowo Eyokomeho lyokomikunda. Okwa ti shika osho einyengo tameko.

Nghidinwa okwa li gumwe gwomaanambelewa mboka ya kala taya kundathana oshinima shika pethimbo ali mOshikondo shIipindi.

 “Einyengo epe [okukal tashi vulika okushendja iimaliwa pokati kiilongo mbika  iyali momukalo ngoka omupu,” osho a ti.

Ombaanga ya Namibia naandjoka yoPashigwana ya Angola otadhi ka koleka euvathano lyokulundulula iimaliwa  pokati kiishiindalongo mbika iyali momasiku 22 Septemba  poSanta Clara ondoolopa yuukililathana naandjoka ya Shikango.

Euvathano ndika otali pitike aanangeshefa yAngola mboka haya landitha moNamibia okweetamo iimaliwa yAngola muka noku yi lundululila mwaambyoka ya Namibia opo ashike ya vule okulanda iinima yawo.Aanamibia wo otaya vulu okushendja oodola dha Namibia mooKwanza uuna yeli moAngola  nelalakano okulanda iinima yawo. Ombaanga ya Namibia oya ti okutaambathana iimaliwa mokushendja huka otaku ka yumudhapo nokuhwameka okungeshefa pokati kaNamibia naAngola oshowo otashi ka koleka ekwatathano lyopamahupilo ”.  Okuza omumvo 2009 oshikondo shoongeshefa sha Namibia mewiliko lyo NCCI pamwe nongundu  yaanangeshefa yAngola  pOshikango oya kala noku indila, opo omalandithilo pokati kiilongo mbika gaalongithe oshimaliwa shoshilongo oshitatu, ngaashi kwali hapa longithwa oodola dhAmerica. 

Etompelo ya gandja oondyoka kutya uuna iilongo mbika iyali yakala nokutaamba iimaliwa yiilongo mbika ashike nena omalanditho otaga kala gena uupu oshoka iimaliwa mbyoka aluhe oyi lipo oyindji medhingoloko lyomahupilo go omalanditho otaga kala taga longo nawa nonuupu. 

Shika osha li sha ulumike Ombaanga ya Namibia opo yi ninge omapekaapekop kiiyimbi yomangeshefelo poongamba dhaShikango omumvo 2010/11 moku tameka okutula mumwe omukalo gwokufuta pokati kiilongo mbika iyali oshowo etaambathano lyiimaliwa yiilongo mbika iyali kokutya ookwanza noodola. Omathaneko moshizemo shomapekaapeko ngoka osha li sha tuminwa kombaanga yOpashigwana yAngola omumvo 2012.

 Namibia na Angola oya kala konima mokukoleka omauvathano gopokati kiilongo mbika iyali opo nga ka tulwe miilonga unene tuu omauvathano gokungeshefa. 

Ngaashi shaningilwe pethimbo limwe omumvo 2004 sho okatokolwa 10 keuvathano lyiilongo iyali komumvo 2004 kali ka tulwa miilonga naahaka oka fala moondjindikila dhiinima yimwe ya indikwa okwaa ha landithwa moAngola okuza moNamibia. Shika osha ka thiminika aanapolitika opo ya longe uusiku nomutenya okukandulapo eshongo ndyoka.Okatokolwa okati 10 keuvathano pokati kiilongo mbika mokulongelakumwe  miipindi oka utha edhikopo lyokomittee yuukumwe yIipindi.  

Ndele osha fa ngashingeyi okupindika poakti kiilongo mbika iyali kwa yumudhwapo, naashika osha ulikwa ku Minista Calle Schlettwein ngoka opo a galuka koAngola oshiwike shayi, a ti  ye nambushe miilonga oya pewa oshinakugwanithwa okumanitha iipumbiwa yokomittee yuukumwe yopangeshefa opo ndjika yi tameke okulonga. “ Otwa pumbwa oku endeleleka shika  opo euvathano ndika li vule okutulwa miilonga,” Schlettwein a ti.  Schlettwein nOminista yIipindi ya Angola, Rosa De Matos oya koleke omikankatalelo dhokomittee yuuukumwe miipindi ndjika.Dho ndhika odha kwatelamo ngaashi okulanditha pokati kiilongo mbika iyali, einyengo lyiilandithomwa pokati kiilongo mbika iyali nosho tuu. 

 

LEAVE A REPLY

Please enter your comment!
Please enter your name here