NAMPORT oye omuwiliki womatulilo a fimana aNamibia

0
254

 

ONGWEDIVA – Namport ehangano li li etatambinga mepangelo, la totwa koshi yoveta Namibian Ports Authority Act, 1994 (Act No 2 of 1994) li wilike  omatulilo laWalvis Bay moshitukulwa shErongo nola Luderitz koshitukulwa sha //Karas. 

Ehangano oli na ku pashukila oilonga pomatulilo aeshe momeva oshitukulwa shaNamibia, nokutula pamufika muwa oilonga yomatulilo. Ongetulilo dingi muAfrica, ola tula moilonga eeprojeka  da kula okuxupipika olweendo loilandifomwa okupitila moitauwa ya uka mOilyolongo yoSADC.

 Ola longekida edu leehecta 40  pa tungwe onhele ipe yoikwatelwa, noli li odjo yakula yomalandifilo moWalvis Bay. Petulilo eli, pe na omakontainer 3,875, konyala kodula ohali  yakula eembautu 4,000 nokutulika eendongelwa deetona  eemiliyuna nhano nande pamafaneko okomesho otali ka tamununwa mu ka pitile omakontainer 355,000 kodula konyala tashi ka pula eebiliyona nhatu deedola daNamibia. 

Cliff Shikuambi, omunambelewa wopondodo yewiliko moNamport , eshi a popya noshifo Kundana okwa fatulula nghee ehangano li li koshi yoshikondo shOilonga nOmalweendo, li na oshinakuwanifwa sheete mo lomashina noilongifo hai longifwa meete mo ilo mepitife mo loitumwa pondje okupitila pomatulilo laWalvis Bay li li mondjila yeeskepa. Petulilo laWalvis Bay opo hapa londekelwa oilandifomwa okuya pondje yoshilongo koSouth America, Far East –Europe, North America nomoushilokati oshoyo kuChina omulandifi munene kuNamibia. 

“Walvis Bay Corridor oya totwa koshi yewiliko loNamport, oya xupipika oinano yo- oilandifomwa moilyolongo yoSADC, pondje yaAfrica. Nande omwaalu wovanailonga mefiku tau ulike kutya ou li 900, vahapu vomuvo ovahelufuni pomatulilo aeshe  kumwe tava longo oilongomwa hai pitifwa mo ngaashi eeshi, osamende, omongwa,  noyeetwa mo yomaludi ngaashi omahooli, omatuwa makulu, osuuka hai di koSouth Africa, noshoyo koChina omulandifi munene kuNamibia”. Shikuambi ta hokolola.

Eepelesenta  60%  doilonga pomatulilo aa, odoitumwa pondje hai tumwa neeskepa dakula da dja komanenedu e li li, 20%  doinima ohadi longifwa moNamibia, 20% odoitumwa moishiindalongo ihe na omikunghulofuta moshitukulwa shoSADC.

(Oyo omukwateli komesho momukalo welongelokumwe lomahangano a yooloka molwa ouwa weyambuke po lomaxupilo mwa kwatelwa eyakulo liwa peengaba. Pamukalo ou opa totwa eekomittee da faneka elongifo loitauwa Trans-Kalahari Corridor mu na oilyo yomapangelo Namibia, Botswana, SA noikondo yopaumwene.  Okomitee yoWalvis Bay- Ndola-Lumbumbashi Corridor oya totwa nelalakano lekandule po lomikundu tadi i moshipala omalweendo oyuumbatomwa mondjila oyo”.Shikuambi ta fatulula.

Etulilo laLuderitz linini lali nale hali ifanwa“Little Bay” hapa kwatelwa eeshi pandodo yeefabrika daNamibia, paife la ninga etulilo la fimana hapa longelwa noikwamina ,okawe nomahooli.  Olimwe lomatulilo a fuula mokutalela po poWaterfront Development li popepi  naSouth Africa.

 Olo yoo tali wilike oikwatelwa pomatulilo aeshe nomonakwiiwa oli na omafaneko  okwaandjakana nokutamununa mo eenhele ngaashi keengaba daShikango,  okudeula ovawiliki pakuyandja eemhito delideulo moilonga.

 

LEAVE A REPLY

Please enter your comment!
Please enter your name here