Okakadhona kiidhipaga nondjembo

1
879

 

ONANKALI – “I held on for as long as I could, I can’t do this anymore I have to go, I am sorry I had to use your gun” (Indi indhindhimike ethimbo nuule, ite vulu we, ondi na okuya. Ombili sho nda longitha ondjembo yoye), mbika oyo iitya ya li ya shangwa lwahuguninwa kepandja lyokakadhona okagundjuka hoka kiiyaha okusa Etitano lyaziko moshitopolya shaShikoto.

Omugundjuka nguka gwomimvo 23, Hileni Pena Endjambi, ngoka e li omunasikola koshiputudhilo shopombanda Internationa University of Management (IUM) kOngwediva, okwali itsuwa a mana oondjenda dhe sho anuwa iiyaha nondjembo. 

Endjambi okwali ti ilongo momvula ontiyali.

Otaku fekelwa kutya endjambi okwa longitha ondjembo yomumwayinamati. 

Oshiningwanima shika osha ningilwe kongulohi yEtitano lyaziko, sha ningilwa momukunda Ondjokwe mOnankali.

Kakele kwaashoka a shanga kepandje lye koFacebook, kapuna naanaa uuyelele wothaathaa kutya Endjambi okwi iyahele shike, oshoka ina thiga po omukanda  gwa yela okuulika kutya oshike eshi ningila.  Mumwayinagona ngono a tindi okutumbulwa kedhina okwati, etitano ndyoka oyali yeli puundingosho ethimbo lyokomatango lela, nokwali a thigipo mumwayinagona ngoka.

“Okwali a tumine ndje okatumwalaka okafupi kutya nandiye kegumbo oshoka okanona okeli megumbo oko akeke, sho ndeya onda adha kuku eli nokanona ashike Endjambi kandishi kutya okuli peni, otwa kala tatu mu lengalenga twa landula ompadhi ye yu uka lwomepya nani okwe tutala sho twa tema omulilo tatu mu kongo, otuuvu owala muuhwa wuli lwokomunkulo gwepya kwa topa naasho twa ka talako otwa adha Pena iyaha nondjembo a hulitha nale,” Mumwayinagona tati ngaaka.

Yinakulu ya Endjambi Hendrina Kamwandi Angolo okwati okwa haluthwa keso lyomutekulu gwe oshoka sho a kala naye ina mona nande uuwinayi muye, tati okwali ena omikalo omiwanawa. “Katunawe shoka tuna oku ninga shi vule okwiitaala kutya Endjambi ke mowe momwenyo, Omuwa ye mwene okwa mono kutya oshagwana,” tati ngaaka.

Efumviko lya Endjambi olya ka ningwe etine lyoshiwike shika.   Asenanye Kapinel omupolisi  posasiona pOkatope okwa koleke oshiningwanima shika, ta kumagidha aanyasha ya yande okuhulithapo omaikuthomwenyo, yo ya konge omakwatho kaakuluntu, tati eikuthomwenyo halyo ekandulopo lyomukundu.

 

1 COMMENT

LEAVE A REPLY

Please enter your comment!
Please enter your name here