Onganga ya kungitha omuntu sigo eso

0
326

ONGWEDIVA – Omukulupe gwomimvo 72 okwa si omanga omwanamati iiyadha moshipangelo konima sho mbaka yaali ya pewa iigwanga ya vundakanithwa mumwe nomalovu opo aniwa mbika yi ya aludhe kuupika wiikunwa.

Otaku hokololwa kutya meekulu Hendrina Martin okwa zi komukunda gwawo konyala oshinano shookilometa 100 okuya kOshikango  opamwe nomwanamati okuka konga ekwatho konganga yåopamuthigululwakalo ndjoka aniwa yi na owino yokupanga mboka ya pikwa kiikolitha.

Sho a thiki pegumbo lyonganga omukulupe nguka okwa fa a lundulula omadhiladhilo ge oshoka tango okwa li ashike a thindikile omwanamati å oye a li ena okupangwa uupika womalovu. Ihe na Meekulu Martin okwa tokola wo opo a pangwe pamwe nomwanamati. 

“Ye mwene mbela okwa li a hala okukwashilipaleka omwanamati kutya kapena oshiponga okupangwa omalovu, sho shika osho she mu thiminike opo a nwe omuti gwiigwanga ngoka oshoka ye kali naana omunwi,” pahapu dhomukwanezimo gwe gumwe. Mbaåka yaali anuwa oya li ya faalele omakende gaali gomaviinu, owiski, ombiila , ombike notombo ngaashi ya lombwelwa ye shi ninge konganga ndjoka.

 “Onganga yakashiluudhe ndjoka oya volonganitha iigwanga mumwe noCastello  no ya pe aapangwa yayo ya nwemo. Opo ihe oya tula mumwe epunyapunya niigwanga, opo ishewe  otombo niigwanga teya pe yanwe, ombike niigwanga teya pe ya nwe, te ya pe ishewe ya nwe owiski ndjoka hayi kala muushako woplastika yi li mumwe niigwanga. Sho a mana okuya oa okwe ya lombwele ya ye ya ka kungile momuti guli mepya,” osho omukwanezimo a  hokolola shoka shaningwa.

Oya kal hoka taya kungu ongo oshitopolwa shepango. 

Otaku fekelwa kutya Martin okwa dhipagwa konkungo onene yeetwa koalkoholi oyindji ndjoka a nwethwa. Ashihe shika osha ningwa miipathi yomwanamati ngoka naye ali monkalo ombwinayi omolwa onkungo no kali ta vulu okukwathela yina. 

“Onda kundana kutya mbaka okwa li ya thigwa oyo ayeke momuti moka no kapena ngoka a li iipulileko kuyo, nenge ootu akoondamenako nokutala kutya oye li po ngiini,” oshoEfraim Haihambo mwene gwomukunda Omundaungilo a popi.

Omumati sho a mono yina a si okwa kookaya okuka konga ekwatho. Okwa falwa mbala koshipangelo kEngela hoka a pangwa omolwashoka okwa kanitha omeya ogendji molutu oshowo konkalo ya kilikita omolwonkungo.

Mongashingeyi omugundjika nguno okwa lalekwamo moshipangelo omanga onganga ndjoka ya mangwapo kopolisi. Onganga ndjoka taku hokololwa kutya omukiintu, omunamivo 58 oya holoka nale mompangulilo yaMangestalata mOhangwena noya pewa yiifutile mo noN$600.

Oshiningwanima shika osha kolekwa wo ku Komanda gwopolisi mOhangwena, Kommisina,Tylves Kampolo. 

LEAVE A REPLY

Please enter your comment!
Please enter your name here