Sheffy na Six Boy yatsu uukuni kumwe

0
218

 

WINDHOEK-Yaali yomaamati mboka ha ya imbi oongalo dhoKudulu, Sheffy naSix Boy yedhina kumwe ayehe Kudurista osho ya pitithako uunongo wawo, tashi pitile moalubuma yawo yotango tayi ithanwa Kwaziwa Okokule.  

Kashani Tutaleni (Sheffy) na Shanyenge Tylves (Six Boy) oya li ya tula uukuni kumwe okuza momumvo 2009, noya kala taya longele kumwe noonkondo sigo yapititha omusholondondo gwoongalo dhawo gwotango omwedhi gwaziko.  Sheffy okwa valelwa moLubango moAngola omanga Six Boy a valelwa momukunda Omaghono moshitopolwa shOmusati.

Aamati mbaka yaali oya nukile mehangano lyoongalo no yali ya kala nokuulika uunongo wawo mpaka naampeyaka. Oalubuma yawo ndjoka yina oongalo omulongo nambali (12) yedhina ‘Kwaziwa Okokule’ otayi ti onale yazi pamwe nosigo ongashingeyi natango otaya shi enditha nawa ngele ota shiya poongalo dhopambepo, Kuduru noKizomba.

 Sheffy otati oongalo dhawo otadhi gandja etumwalaka lyohole nolyo ku longa nuudhigini. “Petameko okwali oshidhigu kutse okumona ondunda ndjoka tatu ningile omaimbilo getu. Ashike ethimbo ha ele lyapiti po, otwa mono po ehangano lyo Olloy Music Production (OMP) ndyoka lya li lya longekidha oalubuma yetu aihe,” Six Boy ta gwedhapo.

 

LEAVE A REPLY

Please enter your comment!
Please enter your name here