Ta monithwa iihuna komwana

0
374

 

ONATHINGE – Omukulupe ngoka ena wo uulema womeho goomvula omilongo hamano na hetatu (68) nomukalimo gomomukunda Uushinga moshikandjohogololo Onayena. Anna Kapiye okuna omwana ngono  te mu hepeke nomadhengo.

Nonande omwana nguno ena uuvu womomadhiladhilo okuli ta hepeke yina noonkondo. Kuuyelele wa gandjwa ku gumwe gomaakwanezimo Mee Nampa okwa holola kutya omukulupe nguka oha hepekwa unene komwana nguka. “Otwa kala nokulombwela ndohotola opo a tule omumati nguka moombete, akale ihaa zi mo we oshoka ngele eya kegumbo oha kala owala noku dhenga yina, ye yina ngoka omuposi iha monoko nande,” Nampa tati.

“Onda adhika ashike ndili mondjila yandje nduuka kokandjugo lokomatango lela, ashike nani mukwetu okwa landulandje mokwaahashiwo nee oshoka ngame kandina omeho, onda haluka owala nda kukuta mongolo yokwaako nani okwa dhengendje noshiti, ondi ihata pevi nonda kala nda lala mpoka ethimbo, onda tumu uunona opo wu ka ithane omushiinda shandje ye a tale shoka sha ningwapo,” Kuku Anna tati ngaaka.

Omukulupe nguno okuli ta mono epango moshipangelo shaNandjokwe. Omwana gumwe gomukulupe  Johannes Nangutuwala okwati, oshinima shino shedhengo lya yina ngono eli omuposi otashi ningi omukalondjigilile,” shino hasho oshikando shotango meme ta ningilwa omahepeko ngaka oshoka okwali a dhengwa no nale kumumwameme nguka ena uulema womomadhiladhilo eta lumbu moshipangelo oshoka okwali a dhengwa eehama noonkondo,” Nangutuwala ta gwedhapo ngaaka.

Omushiinda sha kuku Anna Hileni Shipanga okwa hokololele oshifo shika kutya yo oyena uudhigu oshoka omwana nguka ota hepeke yina unene.  “otwa kala no ku lombwela ndohotola ando a kale a tula omuvu nguka moombete itaa zimowe ashike ndohotola ke uvite oohapu dhetu nonande na tu mu fale ko koshipangelo kOshakati ohe mu lalekeko owala, yakwetu otwa pumbwa tu popilwe omuntu nguno ota ka dhipaga owala yina oshoka ngaashingeyi okwe mu dhenga iikando oyindji,” Gwashipanga tati.

Annanene okwali ayi komathano ngono ga ulike kutya okwa teka mongolo yokwaako  nokwa lalekelwa kOshakati opo a ka mone epango lye nawa.  

“Ondina uumbanda ngaashingeyi oshoka omumwandje nguno otaka dhipagandje owala, otandi indile opo a kale owala momake gandohotola, ye a kale ta mono epango lye sigo a tipo hwepo,” tati ngaa.

Omumati nguno ha hepeke yina Ignatius Nangutuwala anuwa oha kala owala eli megumbo eli owala anuwa ngaashi a valwa, olundji iha zala iikutu, nomuntu anuwa ito vulu ku popya naye oshoka iha yamukula aantu.

Nampa ngono gomwaambo ya gandja ehokololo okwati omukulupe nguno olundji oha kala a hala nokwiidhipaga molwonkalo ndjono yeli nokamwana, oshoka otayi hepeke omadhiladhilo ge nonande ye eli nale omuposi.

Opolisi yaNayena oyati otayi ka longamo oshinima shika, yo ya shange ombaapila ta yiyi ku ndohotola kOshakati opo yi kale ya tula omumvu nguka moombete oshoka otaka dhipaga owala aantu monakuyiwa ngaashi a teya yina okwaako ngaaka.

Caption (Pic: Mentally.jpg): 

 

LEAVE A REPLY

Please enter your comment!
Please enter your name here