Ta ya nyenyeta opolohalama Lunganda

1
564

 

ONDANGWA – Yamwe yomookansela dhomiikandjohogololo ya yoolokathana oya holola okuuva nayo kwawo omolwa omayakulo kaage li nawa anuwa ha ye ga pewa pethimbo yopolohalama Lunganda, ndjono hayi piti aluhe esiku kehe ethimbo lyongula koradio yOshiwambo yo NBC.

Ookansela ndhino odhali dha holola kutya opolohalama ndjika oya tetulwa, no ye wete sheya ningila oshidhigu opo ya thike koshigwana sho shi uve shoka tashi inyenge miitopolwa nomiikandjohogololo yawo.

Ngashingeyi ookansela ndhino dha gandja omanyenyeto ngano otadhi ti ekwatathano lyawo noshigwana olya teka oshoka ethimbo efupi noonkondo na ayehe yena omatumwalaka ita ya gwanenemo methimbo ndyoka efupi, yo ya vule okupititha omatumwalaka gawo koshigwana pethimbo go ga vule kutaambathanwa.

“Oshigwana nasho kashi uvite lela ombili oshoka thimbolimwe omatumwalaka ihaye ga uvu we, oshoka sho to dhenge ito piti nuutumwalaka mbu uushona haaluhe hawu manwapo kuleshwa oshoka owundji unene,” ta ya ti ngaaka.

Otaya indile anuwa opo ewiliko lyo NBC li talulule oshinima shika, yo ya gwedheko kethimbo opo aanambelewa ayehe haya longitha opolohalama Lunganda ndjoka hayi piti ongula ya vule okugandja omayakulo koshigwana , sho tashi uvu omatumwalaka pethimbo sho shi vule ku thika piigongi.

Otaya ti osheya ningila oshidhigu ngaashingeyi oshoka itaya vulu ku enda egumbu negumbo taya gandja omatumwalaka , no ye wete kutya NBC oye awike ta vulu ku ya yakula ngaashi a;li heshi ningi shito yo ya pitithe omatumwalaka gawo ga pite pethimbo, go ga thike kwaamboka ye ga nuninwa.

Nonande ya gandja omanyenyeto gawo ngeyi oyati otaya pandula kuyamwe yomoradio ndjika mbono haye ya yakula nawa.

Gumwe gomaawiliki yopolohalama ngu a li ta vulu ku monika pethimbo lyomapulo sho twa kwatathana noradio ndjika Angula Pohamba komapulapulo okwati, opo ya shonopeke ethimbo lyopolohalama ndjika omolwa aayakulwa yopolohalama ndjika, “otaya longitha ethimbo pambambo, ohaya tseyitha unene omatumwalaka geli kokule yo taye ga endulula kehe esiku, nena yamwe mbeya yena omatumwalaka ita ya vulu ku pita. Otwa tokola tu longithe manga omukalo guutumwalaka uufupi tse tu tale kutya otaya iyutha kugo ngiini”.

Pohamba okwa gwedha po kutya shino oye shiningi opo ya shonopeke ethimbo yo ya longithe omukalo guutumwalaka inashi za kuyo yoyene, oya pewa omanyenyeto kwaamba haya longitha opolohalama ndjika hayi piti ongula, no ye wete kutya aanambelewa yamwe oye wete kutya oku popya moradio oyo ashike iilonga. 

Ta indile aalongithi yopolohalama ndjika yeyi longithe nawa yo taya iyutha kethimbo oshowo ya kale taya pititha omatumwalaka nga geendelela, yo ina ya kala taya endulula etumwalaka ashike limwe uule woshiwike omanga puna gamwe geendelela ga pumbwa ku thika moshigwana.

 

1 COMMENT

  1. Kombi nga yoku endu lula etumwalaka limwe oule woshivike tate Hangula oku li mondjila. Omunhu nghee ngoo tadenge keshe fiku etumwalaka aike limwe ta endulula keshe fiku.loo olo ngoo taliya li endululww nokumukwao.loo olo ngaho atu mina ko sms line laleswa nale.

    Omatumwalaka amwe aa havapitifa kaena sha noshiwana oo amwe ohaa kala ubene eli ko kule pe na nande oivike i 2 ilo 3 pokati.vamwe mbela oha denge aike opo ewi laye liudike momepo. Ndee ope na ngaho vamwe shama waudu ewi laye naave oushi nale kutya oku na eshi aeta koshiwana shapamba oshiwana.

LEAVE A REPLY

Please enter your comment!
Please enter your name here