911 a tsuwa omukumo iilongekidhile uudhano

0
274

ONAYENA – Mehuliloshiwike lyapiti omunashipundi gospana yokatanga kokoompadhi ngono hadheula o911 Abed Indongo okwali a tsu omukumo aadhani yospana ndjika opo ya kale yi ilongekidhila edhingoloko lyomaudhano tali ya.

 

Shino okwali eshi popi moshigongi mono ali a hiya aadhani ayehe opo ye ye ya tsakanene yo ya popye konima sho ya kala mefudho nuudhano wawo owali wa mwenapo manga. Konyala aadhani oyendji oyali ya holoka oshoka oya kala yena ohokwe opo okatanga haka kokoompadhi ka tameke.

 

Indongo okwa uvaneke taya ka kala ya tameka nedhiingoloko etiyali nenge ndyoka lyomumvo guudhano 2014/2015 mbala, ta indile aadhani mbaka ya kale yi ilongekidha kehe ethimbo oshoka esiku taya ka tameka inali tothwamo natango, ashike okwa ti otashi ka ningwa meni lyethimbo efupi lela.

 

“ Osipana yetu natango oyili melandulathano ashike otwa pumbwa aadhani oyendji opo yi kale ya kola, otuna aamati aagundjuka ya hala okuwayimina osipana yetu, no tatu ya taambako nomaako gaali oshoka pakutala ondiwete kutya otaya vulu okuyambulapo 911,” Indongo tati.

 

Okwa gwedhapo kutya oya hala opo osipana yawo yi kale katokote muudhano kehe tawu ka unganekwa , yo yi dhengemo oosipana adhihe ndhoka tadhi ka kuthombinga. Ta ti ye naadhani ye oyi ilongekidha ethimbo kehe.

 

“ Osipana yetu oya kala no ku sindana ethimbo lyapiti, ashike momvula ndjino onda hala tu kale tuna ondjokonona ndjono itaayi dhimbiwa nande okulye, otandi indile aadhani ya kale aluhe taya holoka komaidheulo yo ya kale yena oonkondo momagulu opo sho tatu ka tameka nedhiingoloko ndino ayehe oya pama,” ta gwedhapo .

 

Okwa indile aakwashigwana nokehe ngoka ena ohokwe yomaudhano opo ya yambulepo omaudhano momikunda, yo yi ikaleke kokule noku longa iimbuluma ta ti omaudhano otaga yambulapo oonkalamwenyo dhaantu.

 

Moshigongi okwali woo a tseyitha kutya gumwe gomaadhani yosipana ndjika Abed Koch-Koch Usiku ngono a kala ha dhanene osipana ndjika ethimbo ele ota ka dhanena ospana yimwe koVenduka.Indongo okwa hokolola kutya Usiku oye omudhani omwaanawa mosipana ndjika kwali, ta ti nande eya thigipo ngeyi itaya tula omutse kepepe oyena okukondja ya adhe ethikilo.

 

Sport 1- Yamwe yomaadhani yo911 pethimbo taya idheula pokapale kuudhano posekundeskola ya Nehale pOnayena moshitopolwa shaShikoto. Otse mbeee !!

LEAVE A REPLY

Please enter your comment!
Please enter your name here