Aagundjuka na tu hulithiipo omaidhipago

0
258

ONDANGWA – Konima ashike sho kwali kwa ningwa esiku lyowina opo ku kondjithwe noku shunithwe pevi omadhipagathano nomaidhipago ngoka gi ihanena unene epipi lyaagundjuka. Gumwe gomaagundjuka okwali a thikitha omukanda gwe ngono ta indile aagundjuka ya hulithepo omukalo gwatya ngeyika.

 

Gabes Manya omukwanegongalo gomwomOlukonda, nomuhungimwenyo keithano ota kumagidha aagundjuka ya hulithepo omukalo gokwiidhipaga. “ Shino osha konekiwa unene mepipi lyaagundjuka mbono oyendji taya hulithapo oonkalamwenyo dhawo momaso gomaimangeleko oshowo omadhipagathano,” Manya tati.

 

Ndhino okwali edhi popi sho a mono kutya maagundjuka omuna ombepo yi iteyelamo ndjono tayi pukitha noku tula aagundjuka mekano nomomadhiladhilo gokudhipagathana noku idhipaga yo yene. “ Aagundjuka otwa kwatwa kuuvu nenge komukithi gopambepo no twa pumbwa kuya koongolo, Kalunga etu tule mondjila ndjoka tayi fala komwenyo gwaaluhe, natu kongeni Omuwa manga ta monika tse tu mwiithane manga eli popepi,” ta gwedhapo ngaaka.

 

Manya oku wete kutya aagundjuka oyendji oyeli muupika oshowo momilema nokwa holola kutya aagundjuka mbaka oya pumbwa okuhedha poohapu dha Kalunga yo ya kale kokule iilonga yomutondi satana ngono teya pukitha.

 

“Omaimangeleko nomadhipagathano otaga vulu okukeelelwa, tango manga ngele owa mono kutya owuna uupyakadhi konga ekwatho lyehungomwenyo , opo wu kwathelwe oshoka ka puna uudhigu waa hena ekandulopo ongele owala inoo konga ekwatho ashike ngele weli kongo otoli mono nziya,” Manya ta ti.

 

Omuhungimwenyo nguka okwati ye noshilonga she shika okwa kwathela aantu oyendji mbono yamwe nokuli yali ya kambadhala okuhulithapo oonkalamwenyo dhawo moludhi lwomaimangeleko, ashike yamwe oya kwathelwa noyendji mbono yena omaupyakadhi ga tyooloka otaya kongo ekwatho ethimbo kehe, tati okwi ilongekidha okukwathela oshigwana sha Kalunga opo e shipe ehungomwenyo ndyoka sha pumbwa.

 

“Taleni nawa omaitaalo oshoka opuna omaitaalo gamwe gafa taga pukitha aagundjuka, dho oongeleka dhimwe odha fa tadhi teya ombili moshigwana, onkee otandi mu indile mu kale mwa kola meitaalo ne tamu kongo omakwatho mpoka tashi vulika,” ta tsikileko ngaaka.

 

Manya okwa indile aagundjuka yaa hulithepo oonkalamwenyo dhawo , tati edhipago nenge eimangeleko halyo ekandulepo lyomukundu oshoka opwali puna oompito odhindji mpono omuntu wali to vulu kukwathelwa ashike oshoka omuntu ngono ina konga ekwatho okwayi mepuko noku ikutha omwenyo. Okwa indile aagundjuka ya simaneke iipango ya Kalunga yo taya kala no ku simaneka aakuluntu, yo taya kala taya holoka komalongeloKalunga opo ya nongekwe pambepo.

 

Suicide 1- Gabes Manya ngono eli omuhungimwenyo ta kumagidha aagundjuka ya hulithepo omadhipagathano.Omuhungumwenyo nguka Gabes Manya okwa indile kehe ngoka ena uupyakadhi a ninge ekwatathano naye konomola yongodhi ndji 0812585527, tati okwi ilongekidha okukwatha kehe ngoka ena uudhigu monkalamwenyo ye.

 

 

 

 

 

 

LEAVE A REPLY

Please enter your comment!
Please enter your name here