Aanamibia yi indilwa ya yambidhidhe uudhano momiyalu ominene

0
265

WINDHOEK – “Namibia oshilongo oshikumithi shina aantu aakumithi onkene ndjika oyo ompito ombwaanawa opo tu topole uuwanawa woshilongo shika noshihupe shenenevi ndika , na otandi indile noku kumika amuhe opo mu holoke momiyalu ominene okuudhitha uupale mpoka tapa ka dhanenwa uudhano wetanga lyokoompadhi womanyakwa gaakiintu moAfrica,’.

 

Ngaka omatumbulo ga popiwa ku Amushanga ndjayi gwolutu talu wilike uudhano wetanga lyokoompadhi moNambia[NFA], Barry Rukoro pethimbo lyetulo miilonga lyomalongekidho gahugunina guudhano uutimugoyi womanyakwa gaakiintu woCAF mboka tau tameke momasiku 9 ga Kotoba moVenduka. Uudhano mbuka owa kwashilipalekwa kehangano lyoongodhi dhopeke lyo TN Mobile na otawu ithanwa TN Mobile CAF Women’s Championship.

 

Rukoro okwa pandula noku tanga epangelo lya Namibia sho lya longo nuudhiginini moku yambidhidha naashihe shoka tali vulu , edhiladhilo ewanawa ndika lyoku edhilila uudhano mbuka wokenenevi ndika muka megumbo.

‘Eyakulo lyopashimaliwa oshowo omakwatho gamwe okuza kepangelo otashi ulike eitulemo muudhano mbuka kepangelo lyetu, otwa hala wo okupandula aakwashilipaleki yalwe ngaashi Telecom Namibia na Air Namibia, omanga wo tatu pandula ehangano lya Total ndyoka wo lya joina oku kwathela mosheenditho shika mokusimaneka uudhano wetanga lyokoompadhi,’ osho Rukoro a popi nehwamo.

 

Omugandjimayele methigathano ndika, Isabella //Hauses okwa tseyithile oshigongi kutya oonkambadhala otadhi ningwa opo pu penduthwe ohokwe yaantu ya kuthombinga moku ka tala uudhano mbuka. Onkene ongundulongekidhi yuudhano mbuka oya tulapo omathigathano taga hokitha nelalakano oku kwatako omadhiladhilo gaaholi yetanga. Omathigathano ngaka otaga ka gandja oopreisa tadhi sindanwa kaakuthimbinga mugo molupe lwoshimaliwa koomuma.

 

“Edhiladhilo ndika okulonga pamwe noombelewa dhookomufala yopombanda oshowo oombelewa dhaakalelipo yiilongo mbyoka yina oospana tadhi kuthombinga, na otwa indile oosikola dha yooloka opo dhi hogolole mokati kiilongo mbika kutya dho otadhi yambidhidha oshilongo shinipo.Otatu indile osikola kehe ndjoka tayi kuthombinga opo ndjika yi thaneke epandela lyopashigwana lyoshilongo shoka osikola ndjoka ya hogolola oku yambidhidha.

“Osikola ndjoka tayi kala nepandela lya thanekwa nawa otayi kala oyo osindani na otayi ka pewa oodola N$ 5 000 koomuma, oshoka otwa hala okuhumitha komeho Namibia ongo ehala hoka taku vulu okuya ku talelwapo kaatalelipo,” osho omuwiliki moshimpungu shuudhano moNamibia nguka a ti.

 

Omanga uudhano inau tameka Namibia ngoka oye ta edhilile ethigathano lyomanyakwa gaakiintu gaAfrica ngaka otaka dhana nospana ya Algeria muudhano wokuulika ashike momasiku ga 4 ga Kotoba, uudhano mbuka otau ningwa ongo omalolelo guudhano wowene womanyakwa menenevi, posheelo opo wu ka tale uudhano mbuka otapa pitwa uuna wa futu oodola N$20 adhike.

 

LEAVE A REPLY

Please enter your comment!
Please enter your name here