Egandjo lyomapapa omolweilongo nawa posikola Erundu

0
460

OSHAKATI-Oiva Paulina na Elizabeth Nankulungu oyo aalongwa dhingi momuvo gwelongo 2014 posikola Erundu mOshakati.

Shika oshali sheya puuyelele Etitano lyaziko poshituthi showina shokugandja omapapa kwaamboka yalonga nawa pOsikola Erundu.

Paulina ngoka eli mondondo onti 11 okwali eshi enditha nawa miilongadhalwa ye yosikola nokuli athigapo aanasikola yomondondo onti 11-12 momakonaakono gaali gapiti nokuli ngashiingeyi oye ta pangele oongundu ndhoka mbali.

Elizabeth ngoka eli mondondo ontihetatu okwali a thigipo aanasiko yomondondo onti 8 sigo 10 sho a li a yambukamo no symbole dho A miilongwa ayihe, nonando shika oshili shaningwa kaalongwa oyendji moshikandjo sho 8-10 oo A dha Elizabeth odhindji okwedhi likola niitsa 90% okuya pombanda.

Aalongwa mbaka yeli yaali oyali yapewa oonzapo, otrackshuta dhosikola, omakopi, N$230,kehe gumwe noshihampi shiikwathithilongo.

Linus Kandiendja ,Niitenge Cesilia, Eduward Muyakwi na Elmaragby Mohammed nayo oyo yamwe yomaalongwa ya mona konyala ooA miilongwa yi vulithe pu 8 yeli mondondo onti 8-10 na oyali yapewa omakopi,iihampi yiikwathithilongo noonzapo.

Aalongwa mboka haya ulike iiholelwa iiwanawa nayo oyali yapewa esimaneko noonzapo pamwe niilyo yaakalelipo yaalongwa.

Harriet Nyambe,Rauha Ndilula na Festus Kandjala oshowo Immanuel Americu oyo yamwe yomaalongi posikola Erundu yali yapewa omapapa sho yali ya longo nawa miilonga yawo.

Nyambe omulongi goshilongwa sho History okwali a gandja 98% miizemo yondondo 10 omuvo gwapiti, oshinima shoka kashishi oshikulu kuye.

Oshi li oshitopolwa shomuthigululwakalo gOsikola yErundu oku gandja omapapa kaalongwa naalongi omumvo kehe, oku gandja esimaneko kwaamboka ya longa nawa nokutsa omukumo mboka taya shongola.

Oshituthi shika oshali sha kalwa kaavali aawiliki yopambepo,nongundumutima yelelonongelo pOsikola Erundu.

Oshituthi shika oshali shaningilwa pOshinyanga shOsikola yErundu Etitano lyaziko.

Caption:

Erundu awards 1: Oiva Paulina na Elizabeth Nankulungu oyo aalongwa dhingi pOsikola Erundu yathanekwa pamwe nomukuluntusikola tate Shipena

Erundu awards 2: yamwe yomaalongwa mboka ya pelwee omapapa ya thanekwa nOmukuluntusikola Tate Shipena niilyo yelelonongelo pOsikola Erundu etitano lyaziko

 

 

LEAVE A REPLY

Please enter your comment!
Please enter your name here