Frieda otaka pititha okavideo kedhina Boom Boom

0
407

WINDHOEK – Frieda Haindaka a tseyika nawa moongalo nedhina Freeda osho a pititha okavidio ke okape kokangalo taka ithanwa Boom Boom oshiwike shaziko, hoka ka kala ka tegelelwa koyendji.

Okavidio haka okaningwa noka thaanekwa kehangano lyo Dessert Film Production, ndyoka hali ningi uuvidio dhingi moshilongo. Boom Boom ngashingeyi okuli ta talika kaantu oyendji kointaneta kepandja lyoYouTube, nongashingeyi omwaalu gwaatali yokavidio haka ogwaadha paantu 1 247.

Okavidio haka okaza moalubuma yotango yaFreeda yedhina Just Freeda ndjoka ya pitile pehulilo lyomvula yaziko noya li yemutula ponkatu yopombanda  onga gumwe po gwomaakadhona dhingi mokuhika oongalo moNamibia.

Oalubuma ndjika yosolo oyali ya humbata ehwata lyuungalo omulongo nahetatu (18), noya kwatelamo oongalo dha yooloka ngaashi dhoHouse, Kwaito noRnB.

Freeda okwa ti, oalubuma ndjika ye yotango oye mupula oomwedhi 5 okutota po nokwe yi ningi nelalakano opo a totepo epandja epe, oku tamukulula noku ulika kutya ye ota pula natango komeho.

Okwa dhenge woo omuthindo nokutya elalakano lyokuluka oalubuma ye “Just Freeda”, opo a tseyithile aayambidhidhi ye kutya, okwa patulula epandja epe, nota kala aluhe oye Freeda ngele tashiya moongalo.

Moalubuma ye ota kwathelwa nee kuGazza, Exit, D-Naff nomuhikingalo omuZambia Shayman Shaizo. Uungalo mboka tawu nyuwitha omakutsi gaapulakeni mopoloyeka ndjika ongaashi nee “This Whole Love Thing”, hoka ka kala nokudhana onkandangala mewangandjo, “Boom Boom” ta kwathelwa ku Dice, na “Vudu” ta kwathelwa koMaszanga.

LEAVE A REPLY

Please enter your comment!
Please enter your name here