Hamata ke uvitile ombili elelo lyaHelao Nafidi

0
261

HELAO NAFIDI – Omuunganeki gongundu yoDTA moshitopolwa shaHangwena Hidipo Hamata okwa nyeyetele ondoolopa yaHelao Nafidi sho anuwa tayi tidha aalandithi yomomapandaanda.

 

Ndhino okwali edhi popi konima sho ali a talele po ondoolopa ndjika nokumona yamwe yomaalandithi yomomapandaanda taya tidhwa, oshoka anuwa inaya halikila taya landitha iinima yawo momapandaanda.

 

“Aantu mbano taya landitha momapandaanda otaya kambadha noonkalamwenyo dhawo, yo ina ya hala ya kale momapandaanda nenge ya ka yake iinima yaantu ashike elelo lyondoolopa ndjika otali tidha aantu oyo tuu mbaka yaa landithe yo ya monemo shomboloto, shino oshinima oshiwinayi noonkondo no kapuna omuntu teshi uvuko nande,” Hamata ta ti.

 

Hamata ngono a ti nando ondoolopa ya Helao Nafidi oya tulwa pamuthika goondoolopa, okwa holola kutya oya kaka noonkondo, yo anuwa inayi tungwa pamuthika omwaanawa.

 

“ Ngame ongo omunashipundi go DTA mOhangwena otandi indile aaleli yetu ya longe meyukililo no ya longe shoka tashi opalele aakwashigwana yetu, otashi kwatha shike to hingi ehauto lyondilo ngoye wuna aakwashigwana taya lala nomapunda ga ekama molwa ondjala, aantu mbono oyo yetu tula komeho otwa pumbwa kuya simaneka tse tuya ningile uuwanawa mboka taya pula,” tati ngaa.

Okwa indile opo elelo lyondoolopa yo Helao Nafidi ya longele kumwe mo ku yambulapo oshowo oku eta omahumokomeho mondoolopa ndjika, yo yi kale yafa oondoolopa dhimwe. “ Ehumokomeho itali ti oku kala megumbo wa mwena ashike otashi ti okukonga iilonga nongele oondoolopa dhomoshilongo tadhi opalekwa dho dhinane aatalelipo ya vuleo kuya moshilongo,” Hamata tati ngaaka.

 

Hamata okwa uvaneke ta ka longa nomukumo “ Itandi kotha manga ondoolopa ndjika inaa yi ya kuuwanawa, ondina okulonga nomazigudhe nepupyu opo tu opaleke Helao Nafidi,ongundu yetu oyi ilongekidha mokupendulapo oondoolopa, noku gandja iilonga kaagundjuka ,mbono taya mono iihuna yo kaayena iilonga,” Hamata ta gwedhapo ngaaka. .

 

LEAVE A REPLY

Please enter your comment!
Please enter your name here