Luis Munana oye ta kalele po Namibia mo Big Brother nuuvo

0
391

WINDHOEK – Luis Munana, gumwe gwomo modela oshowo omuwiliki gwoopolograma moTivii oshowo moRadion moNamibia okwa tegelelwa oku ka kalelapo Namibia momauliko gotiivi gopethimbo taga ningwa gokumvo kehe haga ithanwa Big Brother Africa Reality show.

Munana ngoka a za koshitopolwa sha Kavango Uzilo nomukalimo gwomondoolopa ya lRundu omuwiliki gwopolgrama yomo Tiivii yedhina Voigush Shiw ndjoka hayi ulikwa koTivii yiilonga yOkutuma Omawi mOmbepo ya Namibia nenge NBC paufupi.

 

Munana oku li oshilyo shoka sha etapo Ongundu yina sha Niizalomwa yOshinanena ya Namibia. Okuli wo omutali nawa gwe inyengo lyiimaliwa momahangano gatatu haga longo niimaliwa moshilongo.

 

Okwa mona onzapo miipammbele yoongeshefa okuza menongelo lyoongeshefa moUnivesiti yUungomba ya Kapa na okwa kuthilombinga momauliko giizalomwa piithanene yoludhi nduka oyindji pomuthika gwopaigwana.

 

Munana oye ta kala omukalelipo gwotango gwa Namibia megumbo lya Big Brother a za koshitopolwa sha Kavango. Oyendji yomaakalelipo ya Namibia mooBig Brother dhomimvo dha piti oya li ya zi miitopolwa yomokati koshilongo nenge yamwe oya li aakalimo yomoVenduka yena omidhi dha za kiitopolwa kakele kaashoka shaKavango.

 

 

Omeho gaaNamibia oga ligamena ku Munana ya tale ngele ota shi vulika a etelele ko iimaliwa mbyoka oomiliona konyala ndatu a landula moompadhi dha Dillish Mathews ngoka oye ali omusindani gwethigathano lya Big Brother etihetatu omumvo gwayi.

 

Omauliko goBig Brother okwa tegelelwa ga ka tameke momasiku gatano ga Kootoba. Iiningwanima ayihe ngaashi tayi ningwa pethimbo ndyoka otayi kala noku ulikwa moDSTV mehala eti 198 oshowo mboka haya tala oGOtv OTAYA kala noku tala ekwatelokumwe lyiiningwanima mbyoka koAfrica Magic Family oshowo ko Africa Magic World.

Caption:Luis Munana ngoka ta ka kalelapo Namibia methigathano lya Big Brother Africa oshikando oshitimugoyi, shoka tashi tameke okuulikwa moTivii yo DSTV okuza omasiku 5 Kotoba nuumvo.

 

 

LEAVE A REPLY

Please enter your comment!
Please enter your name here