Ongerki ya ELCIN ya patulula ositola yoohi pOniipa

0
250

ONIIPA – Ongerki Onkwaevangeli paLuther moNamibia(ELCIN) kuyele oshiwike shika, oyali ya adha gamwe gomomasindano ngono ya kala tayi kondjitha nokulalakanena ethimbo nuule.

 

Momaandaha Ongerki ndjika oyali ya patulula ositola yokulanditha oohi pOniipa ndjono tayi ithanwa Ihthus Fishing, pepatululo mpano opwali pwa kalwa kaaMbisofi ayehe ya Elcin, Ndohotola Veikko Munyika, Ndohotola Shekutamba V.V Nambala, aasita yongerki ndjika noshowo aakwashigwana oyali ya gongala esiku ndyoka yo ya ninge oombangi mushika.

 

Pethimbo ta popi pepatululo omundohotola Nambala, okwa tumbula kutya Namibia oshilongo sha yambekwa ku Kalunga sha pewa oonzo dhopashito dhi longithwe , dho dhi liwe ku kehe gumwe. “Iinima ayihe yili muuyuni oKalunga eyi shita, otwa pumbwa tu penduke momadhiladhilo yo ya longwe okulesha no ku longa kehe shimwe noku tala shoka shili mondjila,” Nambala tati.

 

Okwa ti woo Ongerki oya longa oshilonga sha simana moku eta uuwanawa kaantu ya Elcin. Ta ti ongeleki ya ELCIN otayi kambadhala mpoka tayi vulu mo ku longela noku kwatha aantu ayehe. Nambala ta uvaneke taya ka landitha oohi ndhika kondando yili nawa. Okwa pandula Uuministeli woohi niikwafuta mbono wa mono ompumbwe kutya ongerki ya ELCIN oya pumbwa ehala lyokulanditha oohi kaakwashigwana.

 

Nambala okwa holola kutya ka shali oshipu oku eta po ehala lya tya ngeyika, tati oshazi komuthipa gweho shono sheya pula omazigudhe oshoka oya kala ethimbo itaaya kotha. Nambala ta pandula ewiliko ndi lya longo nuudhiginini mo ku adha elalakano ndika.

 

Ndahafa Nghifindaka ngono eli omunashipundi go Ihthus fishing okwati oshili ondjokonona mongerki ya Elcin mo ku patulula ehala lyokulanditha oohi opo aakwashigwana ya kale taya landa oohi dhawo ya manguluka.

 

Nghifindaka tati nonande lili ehangano lyongerki, oya mona omashongo ogendji ngono ye ga kondjitha sigo ya adha esindano ndyono ya kala taya lalakanene. “ Epatululo ndino olyo ondjodhi yetu, otuna edhiladhilo opo tu andjaganeke elanditho ndika lyoohi koosenda dhimwe ngaashi Nkurenkuru,Okongo, Omukumo,Okalongo,Outapi,Omuthiya na dhilwe woo opo aakwashigwana ya lande omweelelo gwawo,” Nghifindaka tati ngaaka.

 

Ihthus fishing okuli kohi yehangano lyo Sinco fishing, omuwiliki gwehangano lyo Sinco, Virgilio De Sousa, okwali naye eya opo a ninge ombangi pepatululo lyo Ihthus fishing. Okwa li a gandja omagano gokaloli hono ta ka kala no ku fala oohi hono dha pumbiwa kaakwashigwana oshowo ekondeina enene mono ta mu kala tamu pungulwa oohi ndhoka tadhi landithwa.

Aakalimo yomomudhingoloko Oniipa oyali ya nyanyukwa unene sho ya patululilwa ehala lyokulanditha oohi . Ta yati onale ya li iiluli nani iitoye oye ya. Meme Laina –Lovisa Amutenya omukalimo gomOniipa okwa ti okwa pandula unene ongerki ya Elcin ndjono tayi ya etele uuwanawa. “ Otwa kala ethimbo tatu ende iinano iile ashike omuntu sho to ka konga oohi dhoye kekondeina lyoohi kOndangwa oto adha owala kuudha ngwee ito ziko nsha onkee otushi kushi pandulila Kalunga,” Amutenya tati nga.

 

 

LEAVE A REPLY

Please enter your comment!
Please enter your name here