Oseko yIipumbu oyo dhingi muudhano waOld Mutual

0
243

OSHAKATI – Osekundosikola ya Iipumbu mOshakati oyo omukwaniilwa gwokatanga kokoompadhi koNooli sho ya li ya sindanapo ethigathano lyaOld Mutual ehuuliloshiwike lyaziko.

Iipumbu okwa dhengemo osekundosikola yaNuuyoma ndjoka yali yakalelepo oshitopolwa shaMusati ookola 2-1 medhingoloko lyahugunina ndyoka lyali lya dhanenwa pokapale kemanguluko mOshakati Olyomakaya gaziko.

Iipumbu okwa li a kwatelwa komeho ku Kapteina gwawo Amukoto Fillemon(Shati) nomudheuli gwawo ngoka eli omulongisikola pOsekundo yaIipumbu Ben Shitungu nomugandjimayele gwe Erastus Wilbard.

Nando oyendji oyali ya tegelela Iipumbu andola a sindanepo ethigathano lya huguninina nuupu nuupenda, shika inashika ningwa oshoka Nuuyoma okwali andjika oonyala mevi.

Omudheuli gwOsipana yaIipumbu okwe shihokolola kutya okahiya kahugunina oko ashike keya pe esindano oshoka Nuuyoma okwali shili tapula omapulo na okwali ta vulu okutulamo okoola ethimbo kehe.

Iipumbu okwatoolapo ekopi, eshina lyokuninga eekopi, okapandi ko N$5000,niilongitho yomaudhano gokatanga kokoompadhi.

Nuuyoma okweya pehala etiyali nokutoolapo okapandi ko N$ 3000, iilongitho yomaudhano neshina lyofakisa.

Osekundo ya Uukule oye ya pehala etitatu nOshela opehala etine taya pewa N$2000,no N$1000, sha yooloka.

Osekundo yaHaundano oyali yahanagulapo osipana ya Uukule nookoola 49-24 nokuninga omusindani muudhano wokatanga komokambamba. Uukule okwe ya pehala etiyali ta landulwa ku Gabriel Taapopi nOngha oye ya pehala etine.

Oosipana dhokatanga komokambamba nadho odha pewa omapapapa gafaathana noosipana dhokatanga kokoompadhi.

Osekundo ya Uukule no Sekundo Oshela odhali dhapewa epapa lyoosipana dha ulika omikalo omiwaanawa.

Johanna Nepando gokOsekundo ya Ongha oye omudhani omupe tau like omulilo omuwanawa omanga Letushila Hasheela gokoHaundano oye omudhani dhingi muudhano awuhe.

Lazarus Mungolo gokoHaundano oye omudheuli dhingi.

Pehulilo lyuudhano mbuka opwali wo pwa hogololwa aadhani mboka taya ka kalelapo iitopolwa ine yokoNooli muudhano wokatanga komokambamba nokokoompadhi.

LEAVE A REPLY

Please enter your comment!
Please enter your name here